IND vs SL: फक्त फिल्डींगसाठी आला अन् चमत्कार करुन गेला, सर्फराज खान असं काही बोलला की श्रीलंकन बॅटर…Video Viral

IND vs SL Test Series: भारत आणि श्रीलंका यांच्यात कसोटी सामन्यांची मालिका सुरु आहे. या मालिकेती दुसरा कसोटी सामना सध्या सुरु आहे. पहिला कसोटी  सामना गॉल येथे रंगला जो भारतीय संघाने जिंकला. आता दुसरा कसोटी सामना सुरु असून तोही भारतीय संघ सहज जिंकेल असं चित्र पाहायला मिळतंय. आता या सामन्यात सर्फराज खानने जो चमत्कार केला त्याचा भारतीय संघाला मोठा फायदा झाला आहे.

जरी सर्फराज खानला श्रीलंकेविरुद्धच्या कसोटी मालिकेत खेळण्याची संधी मिळाली नसली तरी, त्याच्या क्षेत्ररक्षणाने आणि स्लेजिंगने भारतीय संघाला निश्चितच मदत केली. कोलंबो कसोटीच्या तिसऱ्या दिवशी श्रीलंकेचा कर्णधार धनंजय डी सिल्वाला बाद करण्यात सर्फराज खानने महत्त्वाची भूमिका बजावली. शॉर्ट लेगला उभे राहून सर्फराजने श्रीलंकेच्या कर्णधाराला असे काहीतरी म्हटले, ज्यामुळे अवघ्या दोन चेंडूंनंतर तो बाद झाला.

NOW SARFARAZ KHAN COPY YASHASVI JAISWAL TECHNIQUE

– Sarfaraz while fielding to the Sri Lankan batter & distract them

Sarfaraz: “Bro, nothing is there, bro. You look straight na – why you looking left and right side (pointing to long-on and long-off)? You are just… pic.twitter.com/U4YvboM6xR

— Sam (@cricsam02) August 25, 2026

३५ व्या षटकात सर्फराज खान शॉर्ट लेगला उभा होता. श्रीलंकेचा कर्णधार धनंजय स्ट्राईकवर होता आणि मानव सुथार गोलंदाजी करत होता. ३५ व्या षटकाच्या तिसऱ्या चेंडूवर सर्फराज धनंजय डी सिल्वाला म्हणाला, “तू कर्णधार आहेस आणि वेळ वाया घालवत आहेस, घाबरू नकोस.” हे ऐकून धनंजयचे लक्ष विचलित झाले आणि दोन चेंडूंनंतर तो स्लिपमध्ये झेलबाद झाला. या विकेटनंतर सरफराजने जोरदार जल्लोष केला. सर्फराज शॉर्ट लेगला उभा राहून श्रीलंकेच्या फलंदाजांशी सतत बोलत होता, ज्यामुळे पंचांना त्याला थांबवावे लागले.

श्रीलंका आणि भारत यांच्यात सुरू असलेली कसोटी मालिका केवळ बॅट आणि बॉलची लढाई नाही. दोन्ही संघांतील खेळाडू शाब्दिक युद्धातही गुंतले आहेत. गॉल कसोटीत श्रीलंकेचा यष्टीरक्षक डिकवेला आणि यशस्वी जैस्वाल यांच्यात जोरदार शाब्दिक चकमक झाली होती. यशस्वीने डिकवेलाला अशाच प्रकारे बाद केले होते. त्यानंतर, कोलंबो कसोटीच्या पहिल्या डावात, जैस्वालचा वेगवान गोलंदाज असिथा फर्नांडोसोबत वाद झाला. त्यांची डोकीही एकमेकांवर आदळली, ज्यामुळे दोघांच्याही सामना शुल्कातून २५% कपात करण्यात आली. आता, सर्फराज सातत्याने स्लेजिंग करताना दिसत आहे.