इंग्लंडने पहिल्या वनडे सामन्यात भारतासमोवर विजयासाठी 259 धावांचं आव्हान ठेवलं. या धावांचा पाठलाग करताना भारताची सुरूवात काही खास झाली नाही. भारताचा स्टार सलामीवर रोहित शर्मा स्वस्तात बाद झाला. अवघ्या 11 धावांवर तंबूत परतला. त्यामुळे तिसऱ्या क्रमांकावर फलंदाजीला उतरलेल्या विराट कोहलीकडून फार अपेक्षा होत्या. मात्र त्यालाही काही खास करता आलं नाही. वेगवान गोलंदाज जोफ्रा आर्चरने विराट कोहलीचा खेळ 6 चेंडूतच संपवला. या सामन्यात विराट कोहली फक्त 5 धावा करून बाद झाला. जोफ्रा आर्चरने त्याला पायचीत करत तंबूचा रस्ता दाखवा, विराट कोहलीला पहिल्यांदा आखुड टप्प्याचा चेंडू टाकला त्यावर त्याने चौकार मारला. पण दुसरा चेंडू थेट पॅडवर आदळला आणि पायचीत झाला. या चेंडूवर फ्लिक करण्याचा प्रयत्न फसला आणि थेट पायावर लागला. पंचांनी त्याला पायचीत दिलं.
विराट कोहलीला रिव्ह्यू घेता आला नाही
विराट कोहली एलबीडब्ल्यू झाला तेव्हा त्याला स्टम्प मिस करत असावी असं वाटलं. त्यामुळे रिव्ह्यू घेण्यासाठी कर्णधार शुबमन गिलकडे गेला. पण कर्णधार शुबमन गिलने नकार दिला. गिलच्या मते, चेंडू थेट स्टम्प लागत होता. त्यामुळे त्याचं म्हणणं विराट कोहलीने ऐकलं आणि रिव्ह्यू न घेता तंबूच्या दिशेने गेला. विराट कोहली तंबूच्या दिशेने जात असताना त्याच्या चेहऱ्यावरील हावभाव बरंच काही सांगून जात होते. विराट कोहलीने पहिल्याच वनडे सामन्यात क्रीडाप्रेमींना निराश केलं. दुसरीकडे विराट कोहली लयीत नसल्याचं सराव शिबिरात दिसून आलं होतं.
Virat Kohli gone at 5#IndvsEng #EngvsInd pic.twitter.com/d5ELXZueHO
— Shehzad Qureshi (@ShehxadGulHasen) July 14, 2026
विराट कोहली या सामन्यापूर्वी सराव शिबिरात फलंदाजी करत होता. त्यावेळी चेंडूचा सामना करताना अडचण येत होती. काही चेंडूवर फटका मारताना चुकला देखील होता. अगदी तसंच सामन्यात पाहायला मिळालं. ज्या चेंडूवर विराट कोहली आरामात चौकार मारायचा, त्या चेंडूवर बाद होऊन तंबूत परतला. त्यामुळे विराट कोहली लयीत नसल्याचं क्रीडाप्रेमींचं म्हणणं आहे. इतकंच काय तर विराट कोहलीचा इंग्लंडमधील रेकॉर्ड काही खास नाही. वनडेत 60 च्या सरासरीने धावा करणाऱ्या विराट कोहलीची या फॉर्मेटमध्ये सरासरी 40पेक्षा कमी आहे.
Leave a Reply