भारताप्रमाणेच पाकिस्तानमध्ये देखील सोन्याच्या भावात प्रचंड वाढ सुरू असल्याचं पहायला मिळत आहे. ऑगस्ट महिन्याच्या पहिल्याच आठवड्यामध्ये सोन्याच्या दरात तब्बल 8 टक्क्यांनी वाढ झाली आहे.
पाकिस्तानमध्ये सध्या स्थितीत 22 कॅरट सोन्याची किंमत प्रती तोळा तब्बल 4,12,154 पाकिस्तानी रुपये एवढी आहे. पाकिस्तामध्ये एक तोळा सोनं हे 11.66 ग्राम एवढं असतं.
तर ज्याला आपण शुद्ध सोनं म्हणतो म्हणजेच 24 कॅरट सोन्याची किंमत पाकिस्तानमध्ये प्रती तोळा 4,49,500 पाकिस्तानी रुपये एवढी आहे.
आता तुम्हाला जर असा प्रश्न पडला असेल की पाकिस्तानमध्ये एक तोळ्याची 22 कॅरट सोन्याची चैन करायची असेल तर त्यासाठी किती खर्च येतो? तर तुम्हाला इथे 22 कॅरट सोन्याची एक तोळ्याची चैन बनवायची असेल तर त्यासाठी 4 लाख 70 हजार पाकिस्तानी रुपये एवढा खर्च येतो.
जागतिक स्थरावर सध्या प्रचंड घडामोडी घडत आहेत, जागतिक बाजार अस्थिर बनला आहे, या पार्श्वभूमीवर सोन्याचे दर देखील चांगले वाढले आहेत, पाकिस्तानमध्येच नाही तर जगभरात सोन्याच्या दरात प्रचंड वाढ झाली आहे.
सध्या पाकिस्तानमध्ये सोन्याची खरेदी सर्वसामान्य लोकांच्या आवाक्याबाहेर पोहोचली आहे. कारण महागाईमुळे येथील जनतेचं आधीच कंबरड मोडलं आहे.
मात्र दुसरीकडे जसे-जसे सोन्याचे दर वाढत आहेत, तशी -तशी सोन्यामधील गुंतवणूक देखील वाढत असल्याचं पहायला मिळत आहे. सोन्यामधील गुंतवणुकीचं प्रमाण वाढलं आहे.
Leave a Reply