फिफा वर्ल्डकप 2026 स्पर्धेची उत्सुकता ताणली गेली आहे. यंदा स्पर्धेचं 23वं पर्व असून 48 संघ जेतेपदासाठी सज्ज आहेत. यंदाच्या स्पर्धेचं यजमानपद अमेरिका, मॅक्सिको आणि कॅनडात असून 16 शहरांमध्ये फिफा वर्ल्डकप स्पर्धेचं आयोजन केलं जाईल. यंदा 48 संघ भाग घेत असले तरी त्यात फक्त 4 देश पहिल्यांदा फिफा वर्ल्डकप खेळणार आहेत. म्हणजेच 44 संघ या स्पर्धेत कधी ना कधी खेळले आहेत. पदार्पण करणाऱ्या चार संघांपैकी एका संघाच्या देशाची लोकसंख्या फक्त दीड लाख आहे. कॅरेबियन आयर्लंड असलेल्या क्यूराकाओ या देशाने वर्ल्डकप स्पर्धेत जागा मिळवली आहे. या देशाची लोकसंख्या 1,58,000 आहे. त्यामुळे फिफा वर्ल्डकप स्पर्धेत भाग घेणारा क्यूराकाओ हा सर्वात छोटा देश ठरला आहे. यापूर्वी हा विक्रम आइसलँडच्या नावावर होता.
क्यूराकाओ हा देश फिफा वर्ल्डकप 2026 स्पर्धेतील ई गटात आहे. या गटात जर्मनी, आयवरी कोस्ट आणि इक्वाडोर हे संघ आहेत. क्युराकाओ या देशाने CONCACAF पात्रता फेरीत चमकदार कामगिरी केली आणि वर्ल्डकप स्पर्धेत स्थान मिळवलं. पात्रता फेरीत बार्बाडोसला 4-1, अरुबाला 2-0, सेंट लुसियाला 4-0 आणि हैतीला 5-1 ने पराभूत केलं. या पात्रता सर्वच्या सर्व सामने जिंकून आपलं स्थान पक्क केलं. कुराकाओ देशाव्यतिरिक्त जॉर्डन, उझबेकिस्तान आणि केप वर्दे या तीन देशांनी फिफा वर्ल्डकप स्पर्धेत पहिल्यांदा स्थान मिळवलं आहे.
एएफसी पात्रता फेरीत दक्षिण कोरियानंतर दुसऱ्या स्थानावर राहून जॉर्डनने स्थान पक्कं केलं. उझबेकिस्तानने उत्तर अमेरिकेत झालेल्या पात्रता स्पर्धेच्या अंतिम फेरीत पोहोचून आपले स्थान निश्चित केले. तर केप वर्देने गेल्या ऑक्टोबरमध्ये 2026 मध्ये स्थान पक्कं केलं आणि स्पर्धेत सहभागी होणारा दुसरा सर्वात लहान देश असेल. जॉर्डन हा देश जे गटात असून या गटात अर्जेंटिना, ऑस्ट्रेलिया आणि अल्जेरिया हे देश आहेत. अझबेकिस्तान के गटात असून या गटात पोर्तुगाल, कोलंबिया आणि डीआर काँगो हे देश आहेत. केप वर्दे हा एच गटात असून या गटात स्पेन, उरुग्वे आणि सौदी अरेबिया या संघाचा समावेश आहे.
Leave a Reply