आज जगाच्या कानाकोपऱ्यात कुठे ना कुठे संघर्ष सुरु आहे. प्रत्येक देश त्याच्या शत्रूला शस्रास्रे दाखवून घाबरवत आहे. अशात अण्वस्र असणाऱ्या देशांना जगात घाबरले जाते. जगातील ५७ मुस्लीम देश आहेत. त्यांच्याकडे तेलासह अनेक नैसर्गिक साधनसामुग्रीचे साठे आहेत. प्रचंड पैसा आणि आलिशान जीवन या देशातील सत्ताधीश या तेलाच्या संपत्तीमुळे उपभोगत आहेत. त्यांच्याकडे पैशाची कोणतीही कमतरता नाही. मात्र, अण्वस्रांचा विषय येतो तेव्हा चित्र बिलकुल बदलून जाते. इराण या अण्वस्रांसाठी लढत आहे. सौदी अरब, अमेरिका सारख्या देशांकडे हात पसरत आहे. सौदी अरब, युएई वा तुर्की सारखे श्रीमंत देशांची जी हालत झाली आहे ती हैराण करणारी आहे. नेमक्या किती मुस्लीम देशांकडे अण्वस्रे आहेत ?
आजच्या जगात ज्या देशाकडे अण्वस्र आहेत तो देश दुसऱ्या देशांवर दादागिरी करत आहे. यामुळे उत्तर कोरियासारखा देश अण्वस्रांच्या जोरावर अमेरिकेलाही भिक घालत नाही अशी स्थिती आहे. इस्राईल सारखा पिटुकला देश केवल अण्वस्रांच्या बळावर चारी बाजूंनी मुस्लीम देश असूनही टिकून आहे.
५७ इस्लामिक देशातील केवळ एकच असा देश आहे जो स्वत:ला अण्वस्र इलास्मिक रिपब्लिक म्हणून जगातील मुस्लीम देशाचा नायक बनायला इच्छुक आहे. हा देश दुसरा तिसरा कोणी नाही तर आपला शेजारील पाकिस्तान आहे. जो भूकेने आणि आर्थिक संकटाने बेजार आहे. साल १९९८ मध्ये चागई येथे अणू चाचण्या करुन पाकिस्तान जगातला पहिला आणि एकमेव ‘मुस्लीम न्युक्लियर पॉवर’ बनला आहे. माध्यमाच्या वृत्तानुसार आणि संरक्षण तज्ज्ञांच्या मते यासमयी पाकिस्तानकडे १७० अण्वस्र आहेत. पाकिस्तान शिवाय सौदी अरब, कतार, युएई, इराण, अफगाणिस्तान वा अल्बानिया सारख्या कोणत्याही मुस्लीम देशाकडे अणुबॉम्ब नाही.
संपूर्ण जगाचा विचार करता याक्षणी केवळ ९ देशांकडेच न्युक्लिअर वेपन्स आहेत. यात रशिया, अमेरिका, चीन, फ्रान्स, ब्रिटन, भारत, पाकिस्तान, इस्रायल आणि उत्तर कोरिया यांचा समावेश आहे. या ९ देशातील पाच देश ( अमेरिका, रशिया, चीन, फ्रान्स आणि इंग्लंड ) सारख्या अण्वस्र अप्रसार करार ( एनटीपी ) अंतर्गत अधिकृतपणे ‘न्युक्लिअर वेपन स्टेट’ चा दर्जा मिळालेला आहे. एका आकडेवारीनुसार जगभरात या समयी एकूण १२,११९ न्युक्लिअर वॉरहेड आहेत, त्यात सुमारे ३,८८० शस्रास्रे एक्टीव्ह म्हणजे तैनातीसाठी सुसज्ज आहेत.
इस्रायलची सीक्रेट न्यूक्लिअर पॉवर आणि इराणचा सस्पेंस
इस्रायलने कधीच सार्वजनिक रुपाने त्यांच्याकडे अण्वस्रे असल्याचे मान्य केलेले नाही. परंतू जगातील अनेक संरक्षण एजन्सी आणि तज्ज्ञांच्या मते इस्रायलकडे ९० ते ३०० च्या दरम्यान अण्वस्रे आहेत. दुसरीकडे इराण सतत युरेनियम एनरिचमेंट करत आहेत. इराणचा दावा आहे की त्यांच्या अण्वस्र कार्यक्रम केवल शांतता पूर्ण कामांसाठी आणि वीज निर्मितीसाठी आहे. मात्र, इस्रायलला भिती वाटते, इराणला केव्हा ना केव्हा गुप्तपणे अणुबॉम्ब बनवू शकतो.
सौदी अरबला का हवा अणूबॉम्ब
सौदी अरबकडे समृद्ध तेल भंडार असून या देशाकडे पैशाची कोणतीही कमतरता नाही. अब्जावधी डॉलरची अर्थव्यवस्था असूनही जेव्हा संरक्षणाची वेळ येते तेव्हा सौदीला अमेरिककडे हात पसरावे लागत आहेत. सौदीचा सर्वात मोठा शत्रू इराण आहे. सौदीला चांगल्या प्रकारे ठावूक आहे ही जर इराणला अण्वस्रे मिळाली तर या मध्य पूर्वेतील सत्ता संतुलन बिघडून जाईल. त्यामुळे इराणने जर भविष्यात अणूबॉम्ब बनवण्यात यश मिळवले तर सौदी अरबला अणूबॉम्ब विकत घ्यावा लागेल असे सौदीचे क्राऊन प्रिन्स मोहम्मद बिन सलमान यांनी अनेकदा बोलून दाखवले आहे.
Leave a Reply