PF Interest After Retirement: निवृत्त कर्मचार्यांच्या फायद्याची बातमी आहे. ज्यांनी भविष्य निधीतील (EPF) पैसा काढलेला नाही. EPFO च्या नियमानुसार, निवृत्तीनंतर (PF Interest After Retirement) काही काळासाठी कर्मचाऱ्यांच्या खात्यातील रक्कमेवर व्याज देतात. पण ही सुविधा नेहमीसाठी मिळत नाही. अखेरपर्यंत व्याजाची रक्कम मिळत नाही. तुम्ही कोणत्या वर्षी नोकरी सोडली वा कधी निवृत्ती स्वीकारली. त्यावर व्याजाची रक्कम मिळते. त्यासाठी PF चा नियम समजून घेणे आवश्यक आहे.
EPF आणि EPS मध्ये काय अंतर?
अनेक कर्मचारी EPF आणि EPS ही एकच योजना असल्याचे मानतात. पण या दोन्ही वेगवेगळ्या योजना आहेत. EPF एक बचत योजना आहे. तर EPS ही पेन्शन योजना आहे. जर कर्मचाऱ्याने EPS अंतर्गत कमीत कमी 10 वर्षांची सेवा पूर्ण केली तर ती व्यक्ती 50 व्या वर्षी किमान पेन्शन, निवृ्त्ती वेतन प्राप्त करण्याचा पर्याय निवडू शकतो. 58 व्या वर्षी त्याला पेन्शनचा लाभ मिळण्यास सुरुवात होते. जर कर्मचाऱ्याने 60 व्या वर्षापर्यंत पेन्शन घेण्यास उशीर केला तर तो जास्तीत जास्त पेन्शन मिळण्यास पात्र ठरतो.
केव्हा PF काढणे अगदी योग्य?
EPFO नियमानुसार निवृत्तीनंतर लागलीच PF काढणे योग्य नाही. जर तुम्हाला तात्काळ पैशांची गरज नसेल तर ही रक्कम काही काळ खात्यात राहू द्या. त्यावर कर्मचाऱ्याला अतिरिक्त व्याजाचा लाभ (PF Interest After Retirement) मिळतो. पण जर खाते निष्क्रिय झाले तर पीएफवरील व्याज मिळत नाही. कर्मचाऱ्याने त्याचे वय, आर्थिक गरज आणि भविष्यातील योजना याविषयी योग्य तो निर्णय घेऊन PF खात्यातून रक्कम काढणे फायदेशीर ठरते.
ही प्रक्रिया पूर्ण न केल्यास पीएफ अडकणार?
युनिफाईड मेंबर पोर्टलवर(UAN) सदस्यांना प्रोफाईल फोटो अपलोड करावा लागणार आहे. प्रोफाईल फोटो हा सदस्याचा डिजिटल रेकॉर्डचा भाग आहे. प्रोफाईल फोटो अपलोड न केल्यास पीएफ अडकण्याची शक्यता आहे. सर्व EPFO व्यवहारांसाठी प्रोफाईल फोटो अपलोड करण्याची गरज नाही. पण ज्या कर्मचाऱ्यांनी त्यांचा फोटो अपलोड केलेला नाही. त्यांना e-नॉमिनेशन पूर्ण करण्यापासून ते ईपीएफओच्या इतर सेवांचा फायदा घेण्यासाठी अडचण येऊ शकते. त्यासाठी ईपीएफओने एक अलर्ट दिला आहे. ही प्रक्रिया पूर्ण केल्यावर पीएफ काढताना अडचण येणार नसल्याचे समोर आले आहे.
Leave a Reply