पाकिस्तान महिला क्रिकेटमधील अनुभवी क्रिकेटपटू आणि वेगवान गोलंदाज आयमन अन्वर हीने आंतरराष्ट्रीय क्रिकेटला रामराम ठोकला आहे. 34 वर्षीय आयमन अन्वरने पाकिस्तानसाठी वनडे आणि टी20 क्रिकेटमध्ये प्रतिनिधित्व केलं आहे. पाकिस्तान क्रिकेटसाठी 2016 ते 2023 या कालावधीत खेळली. या दरम्याने तिने 45 आंतरराष्ट्रीय सामने खेळले आहे. टी20 क्रिकेटमधील 37 सामन्यात 29 विकेट घेतल्या आहेत. तर 8 वनडे सामन्यात तिच्या नावावर 4 विकेट आहेत. यासह तिने आंतरराष्ट्रीय कारकिर्दीत एकूण 33 विकेट घेतल्या आहेत. पण आयमन अन्वर गेल्या काही काळापासून फॉर्म आणि फिटनेसच्या समस्येमुळे पाकिस्तानच्या मुख्य संघातून बाहेर होती. आता आयमन अन्वरने मॅच ऑफिशियल आणि मॅच रेफ्री म्हणून नवीन इनिंग सुरू करण्यासाठी आंतरराष्ट्रीय क्रिकेटमधून निवृत्ती घेण्याचा निर्णय घेतला आहे.
Leave a Reply