दिशा सालियान मृत्यू प्रकरणी मुंबई उच्च न्यायालयात सुनावणी सुरू झाली आहे. या प्रकरणात सरकारी वकिलांनी महत्त्वाचे पुरावे न्यायालयात सादर केले आहेत. सुनावणीदरम्यान, सरकारी वकिलांनी दिशा सालियानच्या आत्महत्येनंतरचा एक फोटो न्यायालयात दाखवला. या फोटोमध्ये मृतदेहावर कपडे होते. सरकारी वकिलांनी सादर केलेला फोटो पाहिल्यानंतर, न्यायमूर्तींनी काही महत्त्वाचे प्रश्न उपस्थित केले.
न्यायमूर्तींनी विचारले की, “एवढ्या उंचावरून पडून फक्त तोंडातून रक्त आलं का?” तसेच, त्यांनी मृतदेहाच्या तोंडावर आणि शरीरावर इतरही मोठ्या जखमा स्पष्टपणे दिसत नसल्याचे निरीक्षण नोंदवले. यावर, सरकारी वकिलांनी न्यायालयात स्पष्टीकरण दिले. त्यांच्या म्हणण्यानुसार, दिशा उंचीवरून पडताना तोंडावर पडली होती. यामुळे तिला स्कल फ्रॅक्चर झाले होते, तसेच इतरही जखमा झाल्या होत्या, अशी माहिती सरकारी वकिलांनी न्यायालयाला दिली. हे प्रकरण संवेदनशील असल्याने न्यायालय या प्रकरणातील प्रत्येक बारकाव्याची सखोल चौकशी करत आहे.
Leave a Reply