मागच्या महिन्यात रिलीज झालेल्या आदित्य धर दिग्दर्सित 'धुरंधर 2 द रिवेंज' सिनेमाने बॉक्स ऑफिसवर वादळ आणलं. अगदी रिलीजच्या आदल्यादिवशी पेड प्रिव्यूपासून प्रेक्षक या चित्रपटावर तुटून पडले. 5 डिसेंबरला रिलीज झालेल्या धुरंधरचा हा सीक्वल म्हणजे दुसरा भाग होता.
'धुरंधर 2 द रिवेंज' 19 मार्चला थिएटरमध्ये रिलीज झाला. रविवार 26 एप्रिल 2026 हा या चित्रपटाचा थिएटरमधील 39 वा दिवस होता. सर्वाधिक कमाई करणाऱ्या भारतीय चित्रपटांमध्ये धुरंधर सध्या तिसऱ्या स्थानावर आहे. या चित्रपटाने प्रेक्षकांचा सिनेमाकडे बघण्याचा दृष्टीकोन बदलला.
भारत-पाकिस्तान संघर्ष, त्याला अंडरवर्ल्डची किनार त्या आडून हेरगिरी हे या चित्रपटाचं कथानक. पण त्याची मांडणी दिग्दर्शक आदित्य धरने अशी केली की, प्रेक्षकांवर या चित्रपटाने जादू केली. अजूनही हा चित्रपट थिएटरमध्ये आहे. आता थोडी कमाईची गती धीमी झाली आहे.
जगभरात आतापर्यंत धुरंधर 2 सिनेमाने 1772.94 कोटींची कमाई केली आहे. एसएएस राजमौलीच्या बाहुबली 2 चा जागतिक कमाईचा टप्पा ओलांडण्यासाठी या चित्रपटाला अजून 15.72 कोटींची गरज आहे. बाहुबली 2 ने जगभरात 1788.06 कोटींची कमाई केली.
मूळचा दक्षिणेतला असलेला अल्लू अर्जुनचा 'पुष्पा 2' सिनेमा देशभरात खूप गाजला. हा पुष्पा सिनेमाचा दुसरा भाग होता. 'पुष्पा 2' चा भारतातील रेकॉर्ड मोडण्यासाठी धुरंधर 2 भारतात अजून 106 कोटींची गरज आहे. धुरंधर 2 ला 'पुष्पा 2' चा कमाईचा भारतातला रेकॉर्ड मोडण्यासाठी थोडा वेळ लागेल. कारण आता धुरंधरची कमाईची गती मंदावली आहे.
Leave a Reply