अजय देवगणच्या 'धमाल 4' या कॉमेडी चित्रपटाने थिएटरमध्ये अनेक नवीन चित्रपटांचा सामना करत भारतीय बॉक्स ऑफिसवर चार आठवडे पूर्ण केले आहेत. 'स्पायडर मॅन: ब्रँड न्यू डे', 'जन नायकन', 'द ओडिसी' यांसारख्या चित्रपटांना 'धमाल 4'ने तगडी टक्कर दिली आहे. इंद्र कुमार दिग्दर्शित हा एडव्हेंचर कॉमेडी चित्रपट बॉक्स ऑफिसवर यशस्वी ठरला आहे.
'कोईमोई'ने दिलेल्या वृत्तानुसार, 'धमाल 4'ने पहिल्याच आठवड्यात तब्बल 99.9 कोटी रुपयांचा गल्ला जमवला. त्यानंतर दुसऱ्या आठवड्यात कमाईत बरीच घट झाली. दुसऱ्या आठवड्यात फक्त 44.24 कोटी रुपये आणि तिसऱ्या आठवड्यात 19.87 कोटी रुपयांची कमाई झाली. तर चौथ्या आठवड्यातील कमाईचा आकडा 9.18 कोटी रुपयांपर्यंत पोहोचला.
'धमाल 4'ने चार आठवड्यांत 173.65 कोटी रुपयांचा व्यवसाय केला आहे. हा चित्रपट जवळपास 150 कोटी रुपयांच्या बजेटमध्ये बनल्याचं समजतंय. चार आठवड्यात बजेटचा खर्च वसूल केल्यानंतर 23.65 कोटी रुपयांचा अधिक नफा कमावला आहे. अजय देवगणच्या या चित्रपटाने आतापर्यंत 15.76 टक्के नफा कमावला आहे.
'धमाल 4' हा बॉलिवूडची सर्वांत लोकप्रिय फ्रँचाइजी 'धमाल'मधला चौथा भाग आहे. या चित्रपटात अजय देवगणसोबतच रितेश देशमुख, संजय मिश्रा, जावेद जाफरी, संजिदा शेख यांच्या भूमिका आहेत. 10 जुलै रोजी हा चित्रपट थिएटरमध्ये प्रदर्शित झाला होता. आता पाचव्या आठवड्यात या चित्रपटाची कमाई किती होणार हे पाहणं, महत्त्वाचं ठरणार आहे.
थिएटरमध्ये इतर दमदार चित्रपटांची टक्कर असतानाही या चित्रपटाने दमदार कमाई केली आहे. पहिल्या आठवड्यानंतर इतर चित्रपटांशी सामना झाल्याने कमाईत बराच चढउतार पहायला मिळाला. या चित्रपटाला फारसे सकारात्मक रिव्ह्यूज तर मिळाले नाहीत, तरीही त्यातील कॉमेडी प्रेक्षकांना पोट धरून हसायला भाग पाडत आहे.
Leave a Reply