दिल्लीतील जंतरमंतर येथे CJP कॉक्रेज जनता पार्टीकडून NEET पेपरफुटी प्रकरणाच्या निषेधार्थ सुरू असलेल्या आंदोलनाने देशभराचे लक्ष वेधले आहे. आंदोलनानंतर केंद्रातील राजकीय हालचालींना वेग आला असून विविध पक्षांकडून या प्रकरणावर प्रतिक्रिया येत आहेत. अशात CJP च्या शिष्टमंडळातील सौरव दास यांनी महत्त्वाची भूमिका स्पष्ट केली आहे.
सौरव दास यांनी माध्यमांशी बोलताना, बैठकीसाठी कोणत्याही राजकीय नेत्याच्या घरी जाणार नसल्याचे स्पष्ट सांगितले. चर्चा करायची असेल तर ती जंतरमंतरवरील आंदोलनस्थळीच व्हावी, अशी आमची भूमिका असल्याचे त्यांनी म्हटले.
त्यांनी सांगितले की, आंदोलन करणाऱ्या विद्यार्थ्यांच्या भावना आणि मागण्या सर्वांनी प्रत्यक्ष ऐकल्या पाहिजेत. त्यामुळे कोणत्याही बंद दाराआड चर्चा करण्याऐवजी आंदोलनस्थळीच संवाद व्हावा, अशी CJP ची भूमिका आहे.
दरम्यान, NEET पेपरफुटी प्रकरणावरून देशातील राजकारण तापले असून अनेक विरोधी पक्षांनी आंदोलनाला पाठिंबा दिला आहे. या पार्श्वभूमीवर पुढील काही दिवसांत केंद्र सरकार, आंदोलनकर्ते आणि विविध राजकीय नेत्यांमध्ये चर्चा होण्याची शक्यता व्यक्त केली जात आहे. मात्र, अद्याप कोणतीही अधिकृत बैठक निश्चित झालेली नसल्याची माहिती समोर आली आहे.
Leave a Reply