Bigg Boss Marathi Season 6 Finale : ‘बिग बॉस मराठी 6’च्या विजेत्याला बक्षीस म्हणून मिळणार फक्त इतके रुपये

Bigg Boss Marathi Season 6 Finale : जवळपास तीन महिन्यानंतर ‘बिग बॉस मराठी’चा सहावा सिझन शेवटच्या टप्प्यात पोहोचला आहे. रितेश देशमुख सूत्रसंचालन करत असलेल्या या शोचा ग्रँड फिनाले आज 19 एप्रिल 2026 रोजी कलर्स मराठी वाहिनीवर पार पडणार आहे. बिग बॉस मराठीचा सहावा सिझन 11 जानेवारी 2026 पासून सुरू झाला होता. एकूण 17 स्पर्धकांनी यंदाच्या सिझनमध्ये भाग घेतला होता. त्यापैकी आता पाच स्पर्धक ग्रँड फिनालेच्या शर्यतीत उतरले आहेत. राकेश बापट, तन्वी कोलते, विशाल कोटियन, दिपाली सय्यद आणि अनुश्री माने या पाच स्पर्धकांपैकी बिग बॉसची ट्रॉफी कोण उचलणार, हे पाहणं औत्सुक्याचं ठरणार आहे

ग्रँड फिनालेची तारीख आणि वेळ

‘बिग बॉस मराठी सिझन 6’चा महाअंतिम सोहळा आज रविवार 19 एप्रिल 2020 रोजी रात्री 8 वाजल्यापासून कलर्स मराठी वाहिनीवर प्रसारित होईल. या ग्रँड फिनालेचं सूत्रसंचालनसुद्धा अभिनेता रितेश देशमुखच करणार आहे.

ग्रँड फिनाले कुठे पाहायचा?

प्रेक्षक बिग बॉस मराठीच्या सहाव्या सिझनचा ग्रँड फिनाले कलर्स मराठी वाहिनीवर रात्री 8:00 वाजल्यापासून पाहू शकतात. तसंच जियो हॉटस्टार या ओटीटी प्लॅटफॉर्मवरही फिनाले स्ट्रीम होणार आहे.

टॉप 5 स्पर्धक कोण?

• विशाल कोटियन
• दिपाली सय्यद
• अनुश्री माने
• राकेश बापट
• तन्वी कोलते

‘बिग बॉस मराठी 6’च्या निर्मात्यांनी पोस्ट केलेल्या ताज्या प्रोमोनुसार, ग्रँड फिनालेच्या एपिसोडमध्ये टॉप 5 स्पर्धकांना ब्रीफकेस चॅलेंजला सामोरं जावं लागणार आहे.

विजेत्याला किती रुपये बक्षीस म्हणून मिळणार?

मिळालेल्या माहितीनुसार, बिग बॉस मराठी 6 च्या विजेत्याला 15 लाख रुपये बक्षीस मिळणार आहे. मात्र ही रक्कम याआधीच्या सिझन्सच्या तुलनेच खूपच कमी आहे. बिग बॉस हिंदीच्या 19 व्या सिझनच्या विजेत्याला तब्बल 50 लाख रुपये बक्षीस मिळालं होतं.

या भव्य सोहळ्यात केवळ विजेत्याची घोषणा होणार नाही, तर मनोरंजनाचा एक अद्वितीय जल्लोष रंगणार आहे. टॉप 5 चे दमदार परफॉर्मन्सेस, घरातील अविस्मरणीय क्षणांचा आढावा आणि अनेक सरप्राइज एलिमेंट्स प्रेक्षकांना अनुभवायला मिळणार आहेत. विशेष म्हणजे, घरातून बाहेर पडलेल्या स्पर्धकांच्या परफॉर्मन्समुळे या फिनालेची रंगत अधिकच खुलणार आहे, ज्यामुळे हा सोहळा आणखी संस्मरणीय ठरेल.

Source link