'बिग बॉस मराठी'च्या सहाव्या सिजनच्या ग्रँड फिनालेला अवघे काही तास शिल्लक राहिले आहेत. आज 19 एप्रिल 2026 रोजी रात्री 8:00 वाजल्यापासून कलर्स मराठी वाहिनीवर हा ग्रँड फिनाले प्रसारित होणार आहे. जानेवारी महिन्यात हा शो सुरु झाला होता. आता ग्रँड फिनालेमध्ये टॉप पाच स्पर्धकांमध्ये विजेतेपदासाठी चुरस लागली आहे.
यामध्ये तन्वी कोलते, राकेश बापट, दिपाली सय्यद, विशाल कोटियन आणि अनुश्री माने यांचा समावेश आहे. ग्रँड फिनालेच्या काही दिवस आधीच ड्रामा क्वीन राखी सावंत बिग बॉसच्या घरातून बाहेर पडली. यंदाचा सfजन राखी सावंतमुळे विशेष गाजला.
आता बिग बॉसच्या घराबाहेर पडल्यानंतर तिने फिनालेमध्ये पैशांची बॅग कोण उचलू शकतो याचा अंदाज वर्तवला आहे. 'महाराष्ट्र टाइम्स'ला दिलेल्या मुलाखतीत राखी सावंतने सांगितलं की, राकेश बापट, तन्वी कोलते आणि विशाल कोटियन हे टॉप 3 स्पर्धकांमध्ये बाजी मारू शकतात.
तर अनुश्री माने आधीच बाद होऊ शकते. अनुश्री पैशांची बॅग घेऊन बिग बॉसच्या घराला रामराम करणार, असा अंदाज राखी सावंतने वर्तवला आहे. तर टॉप 2 स्पर्धकांमध्ये राकेश बापट आणि तन्वी कोलते यांच्यात चुरस रंगण्याची शक्यता असल्याचं तिने म्हटलंय.
मैत्री, संघर्ष, भावना आणि अनपेक्षित वळणांनी सजलेल्या या प्रवासाने प्रेक्षकांना खिळवून ठेवलं असून आता सर्वांची नजर एका क्षणावर खिळली आहे, कोण उचलणार या सिझनचा किताब? याच भव्य सोहळ्यात रितेश देशमुखचा दमदार परफॉर्मन्सही पाहायला मिळणार आहे.
Leave a Reply