कॉकरोच जनता पार्टीचे संस्थापक अभिजीत दीपके हे सध्या चर्चेत आहे. त्यांनी लाखो विद्यांर्थ्यांसोबत मिळून नीट पेपरफुटी प्रकरणी केंद्रीय शिक्षण मंत्री धर्मेंद्र प्रधान यांच्या राजीनाम्याची मागणी करण्यासाठी आंदोलन केले. दिल्लीतील जंतर मंतर येथे लाखो विद्यार्थी एकवटले होते. त्यांना हटवण्यासाठी पोलिसांनी लाठीचार्ज केला. मात्र, दीपकेंसह इतर विद्यार्थ्यांनी हार मानली नाही. अखेर धर्मेंद्र प्रधान यांना राजीनामा द्यावा लागला. त्यानंतर अभिजीत दीपकेबाबत चर्चा सुरु आहे. तो कोण आहे? काय करतो? सर्वसामान्य कुटुंबातील असूनही तो परदेशात शिक्षण कसं घेत होता? असे अनेक प्रश्न आहेत.
अभिजीत दीपके हा मुळचा महाराष्ट्रातील आहे. तो सर्वसामान्य कुटुंबातील मुलगा आहे. त्याने पत्रकारितेचे शिक्षण घेतले आहे. त्यानंतर तो अमेरिकेच्या बॉस्टन यूनिवर्सिटीमधून पब्लिक रिलेशनची मास्टर डिगरी घेतली आहे. पण परदेशात शिक्षणासाठी लागणारे लाखो रुपये कुठून आणले? असा प्रश्न अनेकांना पडला आहे. याबाबत अभिजीतच्या वडिलांनी खुलासा केला आहे.
अभिजीतचे वडील भगवान दीपके यांनी टीव्ही 9 मराठीशी विशेष संवाद साधला. त्यावेळी त्यांनी मुलाचा अभिमान असल्याचे सांगितले. तसेच मुलाने परदेशात शिक्षण घेण्यासाठी मोठे कर्ज काढल्याचे देखील सांगितले.
आम्हाला अभिमान वाटतो अभिजीतचा तो देशसेवा करत आहे. आम्ही लोन काढून त्याला परदेशात शिक्षणासाठी पाठवलं होतं. त्यासाठी जवळपास 60 लाख रुपये लागले आहेत असे अभिजीतचे वडील भगवान दीपके यांनी म्हटले.
सध्या अभिजीत भारतात परतला आहे. तो विद्यार्थांच्या हक्कासाठी लढत आहे. त्यामुळे चर्चा हीच सुरु आहे की अभिजीत दीपकेची कमाई कशी होते. एका रिपोर्टनुसार, त्याची कमाई पॉलिटीकल कम्यूनिकेशन, डिजिटल कन्सल्टींग, मीडिया प्रोजेक्ट्स आणि कॅम्पेन मॅनेजमेंटशी संबंधीत असू शकते.
Leave a Reply