तुम्ही जर नवीन स्मार्टफोन खरेदी करण्याचा विचार करत असाल, तर वनप्लस कंपनीच्या स्वातंत्र्य दिन सेल 2026 मध्ये तुमच्यासाठी एक उत्तम ऑफर आहे. कंपनीच्या सेलमध्ये वनप्लस नॉर्ड 6 सह अनेक स्मार्टफोन्सवर डिस्काउंट आणि बँक ऑफर्स दिल्या जात आहेत. हा फोन त्याच्या मोठ्या बॅटरी, उत्कृष्ट डिस्प्ले आणि दमदार परफॉर्मन्ससाठी ओळखला जातो.
डिस्काउंट आणि बँक ऑफर्स एकत्र करून, ग्राहक वनप्लस नॉर्ड 6 वर 11,000 पर्यंत बचत करू शकतात. परिणामी हा फोन पुन्हा एकदा त्याच्या सेगमेंटमध्ये एक आकर्षक पर्याय बनला आहे. चला तर मग या फोनच्या खास ऑफरबद्दल जाणून घेऊयात.
वनप्लस नॉर्ड 6 वर कोणत्या ऑफर्स उपलब्ध आहेत?
8 जीबी रॅम आणि 256 जीबी स्टोरेज असलेला वनप्लस नॉर्ड 6 मॉडेल कंपनीच्या वेबसाइटवर 44 हजार 499 रूपये या सवलतीच्या ऑफरमध्ये उपलब्ध करण्यात आला आहे. तर या स्मार्टफोनची मूळ किंमत 52 हजार 999 रूपये आहे. हा फोन फ्रेश मिंट, क्विक सिल्व्हर आणि पिच ब्लॅक रंगांमध्ये उपलब्ध आहे. सेल दरम्यान निवडक बँक कार्डांवर 2,500 रूपयांपर्यंतची त्वरित सूट देखील दिली जात आहे. ही ऑफर एचडीएफसी बँक, आयसीआयसीआय बँक, कोटक महिंद्रा बँक, आयडीएफसी बँक आणि इंडसइंड बँकेच्या निवडक क्रेडिट कार्ड ईएमआय व्यवहारांवर उपलब्ध आहे.
दरम्यान, ॲक्सिस बँकेचे ग्राहक क्रेडिट कार्ड ईएमआयवर 2 हजार 500 रूपयांपर्यंत किंवा नॉन-ईएमआय व्यवहारांवर 2 हजार रूपयांपर्यंत सूट मिळवू शकतात. नॉर्ड 6 सुमारे 42 हजार रूपयांच्या सुरुवातीच्या किमतीत लाँच करण्यात आला होता. त्यानंतर त्याची किंमत दोनदा वाढवण्यात आली. मात्र सध्याच्या ऑफरमुळे त्याची प्रभावी किंमत पुन्हा कमी झाली आहे.
स्मार्टफोनमध्ये 165Hz अमोलेड डिस्प्ले
या फोनमध्ये 6.78-इंचाचा 1.5के अमोलेड डिस्प्ले आहे. यात 165Hz रिफ्रेश रेट, HDR सपोर्ट आणि 3,600 निट्सपर्यंतची कमाल ब्राइटनेस मिळते. 165Hz रिफ्रेश रेटमुळे स्मूथ स्क्रोलिंग आणि ॲनिमेशन्सची खात्री मिळते. हा डिस्प्ले गेमिंग वापरकर्त्यांसाठी देखील उपयुक्त ठरू शकतो.
स्नॅपड्रॅगन प्रोसेसरकडून दमदार कामगिरी
वनप्लस नॉर्ड 6 मध्ये स्नॅपड्रॅगन 8एस जेन 4 प्रोसेसर आहे. यासोबत LPDDR5X रॅम आणि UFS 4.1 स्टोरेज जोडलेले आहे. याचा अर्थ हा फोन दैनंदिन कामे, मल्टीटास्किंग आणि गेमिंग सहजपणे हाताळू शकतो. नॉर्ड 6 चे सर्वात मोठे वैशिष्ट्य म्हणजे त्याची 9000mAh बॅटरी. कंपनीच्या मते सामान्य वापरात हा फोन सुमारे दोन दिवस टिकू शकतो. या फोनमध्ये 80W फास्ट चार्जिंगची सुविधा देखील आहे, ज्यामुळे मोठी बॅटरी कमी वेळात चार्ज होण्यास मदत होते.
कॅमेरा देखील पॉवरफूल आहे
या फोनमध्ये फोटोग्राफीसाठी 50 मेगापिक्सेलचा मुख्य कॅमेरा आहे. सेल्फी आणि व्हिडिओ कॉलसाठी 32 मेगापिक्सेलचा फ्रंट कॅमेरा उपलब्ध आहे. एकूणच सध्याच्या वैशिष्ट्यांनुसार ज्यांना एकाच फोनमध्ये उत्तम डिस्प्ले, वेगवान परफॉर्मन्स, गेमिंगची क्षमता आणि दीर्घ बॅटरी लाईफ हवी आहे, त्यांच्यासाठी वनप्लस नॉर्ड 6 एक चांगला पर्याय ठरू शकतो.
Leave a Reply