एका सुंदर कथेला ओटीटी प्लॅटफॉर्मवर वेब सीरिजच्या रुपात सादर करण्यात आलं आहे. ही वेब सीरिज नुकतीच डिजिटल प्लॅटफॉर्मवर प्रदर्शित झाली असून 24 तासांत ती पहिल्या क्रमांकावर ट्रेंड होऊ लागली आहे. ही वेब सीरिज बेस्ट सेलर नॉवेलवर आधारित आहे. दहा वर्षांपूर्वी जेव्हा ही कादंबरी प्रकाशित झाली होती, तेव्हा वाचकांमध्ये ती प्रचंड लोकप्रिय ठरली होती.
या वेब सीरिजची कथा एका लव्ह-ट्रँगलभोवती फिरते. या सीरिजचं नाव आहे 'मुसाफिर कॅफे' (Musafir Cafe). दिव्य प्रकाश दुबे यांच्या 'मुसाफिर कॅफे' नावाच्याच कांदबरीवर या सीरिजची कथा आधारित आहे. यामध्ये विक्रांत मेस्सी, वेदिका पिंटो, महिमा मकवाना यांच्या मुख्य भूमिका आहेत.
जेव्हापासून या सीरिजची घोषणा झाली होती, तेव्हापासून प्रेक्षक ती पाहण्यासाठी उत्सुक होते. कादंबरी वाचलेल्यांसाठी ही कथा सीरिजच्या रुपात पाहणं हा एक नवीन अनुभव असेल. 24 जुलै रोजी ही सीरिज नेटफ्लिक्स या ओटीटी प्लॅटफॉर्मवर प्रदर्शित झाली. आठ एपिसोड्सची ही सीरिज नेटफ्लिक्सवर पहिल्या स्थानी ट्रेंड होत आहे.
'मुसाफिर कॅफे'नं अवघ्या 24 तासांच्या आत 'लॉक अप सिझन 2'सह इतर सर्व ट्रेंडिंग वेब सीरिजना पछाडलं आहे. या सीरिजची कथा चंदर (विक्रांत मेस्सी) नावाच्या व्यक्तीभोवती फिरते. चंदर आधी सुधावर (वेदिका) प्रेम करत असतो, मात्र ब्रेकअपनंतर त्याला प्रितीवर (महिमा) प्रेम जडतं. परंतु जर सुधा त्याच्या आयुष्यात पुन्हा आली तर काय होईल, याची भिती सतत प्रितीला सतावत असते.
प्रितीच्या भितीप्रमाणेच एकेदिवशी सुधा चंदरच्या आयुष्यात परत येते आणि त्यानंतर कथेत रंजक वळण येतं. 'मुसाफिर कॅफे' या वेब सीरिजला आयएमडीबीवर दहापैकी 7.1 रेटिंग मिळाली आहे.
Leave a Reply