मुंबई इंडियन्स विरुद्ध पंजाब किंग्स यांच्यात आयपीएल स्पर्धेच्या 19 व्या मोसमातील (IPL 2026) 24 व्या सामन्यात आमनेसामने आहेत. उभयसंघातील सामना वानखेडे स्टेडियममध्ये खेळवण्यात येत आहे. 4 पैकी 3 सामने जिंकलेल्या आणि अजिंक्य असलेल्या पंजाबने या सामन्यासाठी प्लेइंग ईलेव्हनमध्ये कोणताच बदल केलेला नाही. मात्र दुसऱ्या बाजूला मुंबईकडून 3 बदल करण्यात आले आहेत. या बदलामुळे एका युवा आणि स्टार खेळाडूला पदार्पणाची संधी मिळाली आहे. मयंक रावत असं या खेळाडूचं नाव आहे. मयंक ऑलराउंडर आहे. मयंकच्या आयपीएल पदार्पणानिमित्ताने त्याने आतापर्यंत क्रिकेटमध्ये केलेल्या उल्लेखनीय कामगिरीबाबत जाणून घेऊयात.
6 बॉलमध्ये 6 सिक्स
मयंकने आयपीएल ट्रायलमध्ये आपली छाप सोडली होती. मंयकने ट्रायलमध्ये 6 बॉलमध्ये 6 सिक्स ठोकले होते. मात्र त्यानंतरही मयंकला संधी मिळाली नव्हती. मात्र मंयकला आता संधी मिळाली. मयंकने दिल्ली प्रीमियर लीग (DPL) मध्येही आपला ठसा उमटवला होता. विविध स्पर्धेत आपला तडाखा दाखवणाऱ्या मयंकला अद्याप प्रतिष्ठेच्या रणजी ट्रॉफी स्पर्धेत खेळण्याची संधी मिळालेली नाही. मात्र मयंकचा आयपीएल स्पर्धेत श्रीगणेशा झाला आहे. त्यामुळे मंयक या संधीचा किती फायदा घेतो याकडे टीम मॅनेजमेंटचं लक्ष असणार आहे.
ऑलराउंडर मयंक
मंयक दिल्लीत विविध वयोगटातील स्पर्धेत खेळला आहे. मंयकने या दरम्यान अविस्मरणीय खेळी साकारली होती. मयंकने हरयाणा विरुद्ध द्विशतक केलं होतं. मंयकने यासह विराटचा विक्रम मोडीत काढला होता. मंयकला त्या कामगिरीसाठी 5 हजार रुपयांचं रोखं बक्षिस देण्यात आलं होतं.
2022 साली धमाका
मयंकने 2022 साली आयपीएल ट्रायल दरम्यान 6 बॉलमध्ये 6 सिक्स खेचले होते. मात्र त्यानंतरही दिल्ली कॅपिट्ल्सने मयंकला घेतलं नव्हतं. तसेच मंयकने 2024 साली डीपीएल स्पर्धेतील क्रिकेट सामन्यांमध्ये खोऱ्याने धावा केल्या होत्या. मयंकने इस्ट दिल्लीला चॅम्पियन करण्यात योगदान दिलं होतं. मयंकने डीपीएलच्या फायनलमध्ये चाबूक खेळी केली होती. मयंकने 39 चेंडूत 78 रन्स केल्या होत्या. मयंकने या दरम्यान 6 सिक्स आणि 7 फोर ठोकले होते.
मयंक रावतने या दरम्यान आयुष बडोनी याची धुलाई केली होती. मयंकने आयुषच्या बॉलिंगवर सलग 5 सिक्स लगावले होते. ईस्ट दिल्लीने हा सामना 3 धावांनी जिंकला होता. त्यामुळे आता मयंक आयपीएल स्पर्धेत काय करतो आणि कसा खेळतो? हे पाहणं महत्त्वाचं ठरणार आहे.
Leave a Reply