1980 च्या दशकात भारतीय चित्रपटसृष्टीत हॉरर चित्रपटांचा सुवर्णकाळ मानला जातो. त्या काळातील भयपट पाहण्यासाठी प्रेक्षकांमध्ये प्रचंड उत्सुकता असायची. घनदाट धुके, अंधार, भयावह पार्श्वसंगीत आणि थरारक सीनमुळे अनेकांना रात्री एकट्याने चित्रपट पाहायलाही भीती वाटायची.
या काळात रामसे बंधूंनी हॉरर चित्रपटांना वेगळी ओळख मिळवून दिली. त्यांनी दिग्दर्शित केलेला ‘तहखाना’ हा चित्रपट 1986 मध्ये प्रदर्शित झाला आणि त्याला मोठे यश मिळाले. तुलसी रामसे आणि श्याम रामसे यांनी दिग्दर्शन केलेल्या या चित्रपटाचे प्रेक्षकांनी भरभरून कौतुक केले.
एका मुलाखतीत प्रीती सप्रू यांनी सांगितले की, हॉरर चित्रपटात काम करणे त्यांच्यासाठी एक वेगळाच आणि रोमांचक अनुभव होता. रात्री उशिरापर्यंत शूटिंग, भीतीदायक मेकअप आणि सतत भीतीचे वातावरण असूनही संपूर्ण टीमने शूटिंगचा आनंद घेतला.
‘तहखाना’ची कथा ठाकूर सुरजीत सिंह यांच्या कुटुंबाभोवती फिरते. चित्रपटात काळी जादू, अलौकिक शक्ती आणि विभक्त झालेल्या दोन बहिणींची भावनिक कहाणी प्रभावीपणे मांडण्यात आली आहे. चित्रपटातील भुताची भूमिका शमशुद्दीन यांनी साकारली असून, आजही ती प्रेक्षकांच्या अंगावर काटा आणते.
अवघ्या 34 लाख रुपयांच्या बजेटमध्ये तयार झालेल्या ‘तहखाना’ने भारतात सुमारे 72 लाख रुपयांची कमाई केली, तर जगभरात जवळपास 97 लाख रुपयांचा गल्ला जमवत त्या काळातील सर्वाधिक यशस्वी हॉरर चित्रपटांपैकी एक ठरला. आजही हा चित्रपट 80 च्या दशकातील क्लासिक भयपट म्हणून ओळखला जातो.
Leave a Reply