तेलंगणातील सूर्यपेट जिल्ह्यातील कोडड मंडळात द्वारकुंटाजवळ हैदराबादहून एलुरुला जाणाऱ्या खाजगी बसचा कंटेनरला धडकून भीषण अपघात झाला आहे. कोडड मंडळातील द्वारकुंटाजवळ हा भीषण रस्ते अपघात झाला. लोखंडी सळ्यांनी भरलेल्या कंटेनर ट्रकला एका खाजगी ट्रॅव्हल्सच्या बसने मागून धडक दिली. या अपघातात पाच जणांचा मृत्यू झाला असून 20 जण गंभीर जखमी झाले आहेत. जखमींना रुग्णालयात दाखल केले आहे. कंटेनरमधील लोखंडी सळ्या बसमध्ये घुसल्याने अपघाताची भीषणता वाढली. खाजगी ट्रॅव्हल्सची बस हैदराबादहून एलुरुकडे जात होती. बसमध्ये अडकलेले प्रवासी विव्हळत होते. पोलिसांनी तासभर चाललेल्या बचावकार्यानंतर जखमी प्रवाशांना बाहेर काढले. हैदराबाद-विजयवाडा राष्ट्रीय महामार्गावर वाहतूक कोंडी.
(बातमी अपडेट होत आहे)
Leave a Reply