भोजपुरी चित्रपटसृष्टीतील सुपरस्टार आणि पॉवर स्टार म्हणून ओळखला जाणाऱ्या पवन सिंहची लोकप्रियता आजही तितकीच कायम आहे. त्याच्या नव्या गाण्यांइतकीच त्याच्या जुन्या गाण्यांनाही प्रेक्षकांकडून मोठी पसंती मिळते.
सोशल मीडियापासून लग्नसमारंभातील डीजेपर्यंत पवन सिंहच्या गाण्यांचा दबदबा कायम असून, त्याचे तब्बल दहा वर्षांपूर्वी प्रदर्शित झालेले छलकता हमरो जवनिया हे गाणे पुन्हा एकदा चर्चेत आले आहे.
या गाण्याने यूट्यूबवर तब्बल 80 कोटींहून अधिक व्ह्यूज मिळवत नवा विक्रम प्रस्थापित केला आहे. दहा वर्षांनंतरही या गाण्याची लोकप्रियता कमी झालेली नसून, आजच्या डिजिटल युगातही ते प्रेक्षकांच्या पसंतीस उतरत आहे.
'छलकता हमरो जवनिया' हे गाणे 2016 मध्ये प्रदर्शित झालेल्या भोजपुरिया राजा या सुपरहिट चित्रपटातील आहे. या गाण्यात पवन सिंह आणि काजल राघवानी यांची रोमँटिक आणि दमदार केमिस्ट्री प्रेक्षकांना विशेष भावली होती. गाण्याचे चित्रीकरण, नृत्य आणि ऊर्जा यामुळे ते त्या काळात मोठे हिट ठरले होते.
या गाण्याला स्वतः पवन सिंह आणि प्रसिद्ध गायिका प्रियंका सिंह यांनी आवाज दिला आहे. गीतकार आझाद सिंह यांनी गाण्याचे बोल लिहिले असून, संगीतकार मधुकर आनंद यांनी त्याला आकर्षक संगीत दिले आहे.
Leave a Reply