उन्हाळ्यातील अतिरिक्त घाम, तीव्र सूर्यप्रकाश आणि दमटपणा यांचा केवळ आरोग्यावरच नव्हे तर त्वचेवरही परिणाम होतो. त्यामुळे ऋतूच्या बदलानुसार आपण प्रत्येकजण स्किन केअर च्या सवयींमध्ये बदल करत असतो. कारण उन्हाळ्यात मुरुमांची वाढ, त्वचेचा टॅन होणे आणि निस्तेजपणा यांसारख्या समस्या वाढू शकतात. स्किन केअर रूटिंगचे योग्य पालन केल्यास तुम्हाला त्वचेच्या अनेक समस्या कमी करता येतात, शिवाय तुमचा चेहरा तेजस्वी आणि चमकदारही राहतो. तर त्वचेच्या समस्या कमी करण्यासाठी महागडी उत्पादने नव्हे तर नैसर्गिक घटक उत्तम ठरतात.
सेलिब्रिटी पोषणतज्ञ श्वेता शाह यांनी नैसर्गिक घटकांचा वापर करून त्वचा निरोगी कशी राहील याबद्दल टिप्स सांगितल्या असून त्यांनी त्वचेची चमक वाढवण्यासाठी आयुर्वेदिक आणि नैसर्गिक घटकांचा वापर कसा करावा याबद्दल काही उपाय शेअर केले आहेत. त्यांनी एक सोपी समर किट शेअर केली आहे, जी तुम्ही सहजपणे फॉलो करू शकता. चला तर मग, या समर स्किन केअर किटबद्दल जाणून घेऊयात.
सकाळचे डिटॉक्स पेय
उन्हाळ्यात तुमच्या स्किन केअर किट मधील पहिली गोष्ट म्हणजे डिटॉक्स पेय. यासाठी सकाळी पाव चमचा ज्येष्ठमध पावडर पाण्यात उकळवा. दोन ते तीन वेळा उकळल्यानंतर गॅस बंद करा, गाळून घ्या आणि हे प्या. हे पेय तुमची त्वचा आतून स्वच्छ करण्यास मदत करेल.
हा ज्यूस तुमच्या त्वचेला बनवेल ग्लो
पोषणतज्ञ श्वेता शाह यांनी ज्यूसची एक रेसिपीसुद्धा शेअर केली आहे. हा ज्यूस उन्हाळ्यात तुमची त्वचा उजळ करेल आणि तुमच्या आरोग्यासाठीही फायदेशीर आहे. बीट, गाजर, 1 आवळा आणि 8 ते 9 कढीपत्ता पाण्यासोबत एकत्र वाटून घ्या. गाळून घ्या आणि प्या. यामुळे तुमचे रक्त शुद्ध होईल आणि तुमच्या त्वचेची नैसर्गिक चमक वाढेल.
रात्रीची त्वचेची काळजी घेणारी क्रीम
रात्री एक साधे स्किन रिपेअर क्रीम वापरावी. ही क्रिम बनवण्यासाठी ताजा कोरफडीचा गर घ्या किंवा बाजारातून विकत आणा. त्यात कुमकुमादी तेलाचे 2-3 थेंब आणि तांदळाचे पाणी मिक्स करून मिश्रण चांगले फेटून घ्या. नंतर ते चेहऱ्यावर लावा आणि तसेच राहू द्या. हे घटक तुमच्या त्वचेला खोलवर आर्द्रता देतील आणि तिची दुरुस्ती करतील.
आठवड्याचे स्किन केअर
उन्हाळ्यातही तुमची त्वचा चमकदार ठेवण्यासाठी तुम्ही आठवड्यातून एकदा स्किन केअर घेतले पाहिजे. तर यासाठी लुध्रा पावडर, पांढरे चंदन, ज्येष्ठमध पावडर, मंजिष्ठा पावडर आणि गुलाबपाणी घ्या. हे सर्व औषधी वनस्पती समान प्रमाणात मिक्स करून पेस्ट बनवण्यासाठी त्यात गुलाबपाणी मिक्स करा. ही पेस्ट चेहऱ्यावर लावा आणि 20 मिनिटांनंतर पाण्याने धुवा. हा फेस पॅक टॅनिंग कमी करण्यास, मुरुमे कमी करण्यास आणि उन्हाळ्यामुळे आलेला टॅन कमी करण्यासाठी मदत करतो. तर हा फेस पॅक तुम्ही आठवड्यातून दोनदा लावू शकता.
या गोष्टी लक्षात ठेवा
पोषणतज्ञांनी तुमची त्वचा उजळ करणाऱ्या काही आयुर्वेद आणि निसर्गोपचार-आधारित पद्धती सांगितल्या आहेत. या सर्व घटकांमुळे दुष्परिणाम होण्याचा धोका खूप कमी असतो आणि या गोष्टी सर्वज्ञात आहेत. जर तुम्हाला कोणत्याही घटकाची ॲलर्जी असेल, तर त्याचे सेवन करणे किंवा लावणे टाळा. याव्यतिरिक्त, मॉइश्चरायझर, सनस्क्रीन आणि क्लिंझिंग यांसारख्या तुमच्या दैनंदिन त्वचेच्या काळजीच्या नित्यक्रमाकडे दुर्लक्ष करू नका.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
Leave a Reply