अमेरिका आणि इराणमध्ये युद्धविरामानंतरही संघर्ष सुरूच आहे. इरानने युद्धाच्या पार्श्वभूमीवर आधीच स्ट्रेट ऑफ होर्मूज बंद केलं होतं. दरम्यान त्यानंतर अमेरिकेने देखील या मार्गावर नाकेबंदी केली आहे. सध्या हा मार्ग व्यापारी जहाजांच्या वाहतुकीसाठी बंद असल्यामुळे जगातील अनेक देशांवर मोठं ऊर्जा संकट निर्माण झालं आहे. याचा सर्वात मोठा फटका हा भारताला बसला आहे. कारण स्ट्रेट ऑफ होर्मूज बंद असल्यामुळे आखाती देशांमधून होणारा कच्चं तेल आणि एलपीजी गॅसचा पुरवठा ठप्प झाला आहे. मात्र याचदरम्यान आता भारतासाठी एक दिलासादायक बातमी समोर आली आहे. ती म्हणजे भारताच्या आणखी एका जहाजानं स्ट्रेट ऑफ होर्मुज पार केलं आहे. हे जहाज कच्चं तेल घेऊन भारताकडे निघालं आहे. मेरिटाइम ट्रान्सपोर्टची नोंद ठेवणाऱ्या एका वेबसाइटकडून ही माहिती देण्यात आली आहे. निसोस केरोस असं या जहाजाचं नाव आहे. हे जहाज भारताच्या विशाखापट्टनमच्या दिशेनं येत आहे. 3 जूनपर्यंत जहाज भारतीय बंदरात दाखल होण्याची शक्यात आहे.
21 मे रोजी शारजहावरून झालं रवाना
हे जहाज 21 मे रोजी शारजाहावरून रवाना झालं आहे. शुक्रवारी सकाळी 6 वाजता या जहाजाला भारताच्या पश्चिम किनाऱ्याच्याजवळ अरबी समुद्रात पहाण्यात आलं. जहाजांची माहिती ठेवणाऱ्या एका संस्थेच्या मते हे जहाज विशाखापट्टनमच्या दिशेनं जात आहे. हे जहाज 333 मीटर एवढं लाबं आहे. दरम्यान हे जहाज आता 3 जूनपर्यंत विशाखापट्टनमला पोहोचण्याची शक्यता आहे. या जहाजामुळे भारताला काही प्रमाणात का होत नाही परंतु दिलासा मिळणार आहे.
24 तासांमध्ये 23 जहाजांना परवानगी
इराणनची वृत्तसंस्था IRNA च्या एका रिपोर्टनुसार इस्लामिक रिव्होल्यूशनरी गार्ड कॉर्प्स (IRGC) नं गेल्या 24 तासांमध्ये 23 कमर्शियल जहाजांना स्ट्रेट ऑफ होर्मुजमधून जाण्याची परवानगी दिली आहे. ज्यामध्ये तेल जहाज आणि कंटेनरचा समावेश आहे. या रिपोर्टमध्ये असा दावा करण्यात आला आहे की, स्ट्रेट ऑफ होर्मूजमधून गेल्या 24 तासांमध्ये जे 23 व्यापारी जहाजं पार झाले आहेत, त्यांनी आधी इस्लामिक रिव्होल्यूशनरी गार्ड कॉर्प्सच्या अधिकाऱ्यांसोबत चर्चा केली आणि त्यानंतर त्यांना या मार्गाने जाण्याची परवानगी देण्यात आली आहे. मात्र या जहाजांकडून इराणने टोल वसूल केला की नाही, हे मात्र अद्याप स्पष्ट झालेलं नाहीये.
Leave a Reply