'बिग बॉस मराठी'चा विजेता सूरज चव्हाणची पत्नी संजना चव्हाण सध्या तिच्या खास मॅटर्निटी फोटोशूटमुळे सोशल मीडियावर चर्चेत आली आहे. आई होण्याच्या प्रवासातील या खास क्षणांना खास बनवण्यासाठी संजनाने केलेले पारंपरिक फोटोशूट चाहत्यांच्या विशेष पसंतीस उतरले आहे.
या फोटोशूटमध्ये संजनाने निळ्या रंगाची आकर्षक काठपदराची साडी नेसली असून, तिच्या लूकमध्ये पारंपरिक सौंदर्य आणि राजेशाही थाट यांचा सुंदर मिलाफ पाहायला मिळतो आहे. साडीसोबत तिने गळ्यात भरगच्च सोन्याचा हार, कानात पारंपरिक झुमके आणि नाकात नाजूक नथ परिधान केली आहे.
या दागिन्यांमुळे तिचा संपूर्ण लूक अधिकच उठून दिसत आहे. संजनाच्या हेअरस्टाईलनेही सर्वांचे लक्ष वेधून घेतले आहे. बांधलेले केस, साजेसा मेकअप आणि चेहऱ्यावरचे तेज यामुळे तिचे व्यक्तिमत्त्व अधिक खुलून आले आहे.
हातात घातलेली मोठी गोल अंगठी, तसेच हातावरील सुंदर मेहंदी तिच्या पारंपरिक लुकला आणखी भर घालत आहे. प्रत्येक फोटोशूटमध्ये तिच्या चेहऱ्यावरील आनंद आणि आई होण्याचा विशेष भाव चाहत्यांचे मन जिंकत आहे.
संजनाने हे फोटो सोशल मीडियावर शेअर करताच काही वेळातच ते मोठ्या प्रमाणावर व्हायरल झाले. चाहत्यांनी तिच्या सौंदर्याचे आणि पारंपरिक लूकचे भरभरून कौतुक केले आहे. अनेकांनी कमेंट्सद्वारे तिला आगामी आयुष्यासाठी शुभेच्छा दिल्या असून आई होण्याच्या या सुंदर प्रवासासाठी शुभेच्छांचा वर्षाव केला आहे.
Leave a Reply