Ketan Agarwal Case : केतन अग्रवाल प्रकरणात धक्कादायक खुलासे होत आहेत. होणारी पत्नी सिया गोयल हिने केतन अग्रवाल याला प्रियकर चेतन चाैधरी याच्या मदतीने गडावरून ढकलून दिले. केतनची हत्या करण्यापूर्वी त्यांनी गडाची रेकी केली होती. सुरूवातीला हा फक्त अपघात दाखवण्यात आला. मात्र, तपासात ज्याकाही गोष्टी पुढे आल्या, त्याने मोठी खळबळ उडाली. 18 जूनपुर्वीही सिया गोयल हिने अनेकदा केतन अग्रवाल याला मारण्याचा प्रयत्न केला. मात्र, प्रत्येक वेळी तिचा प्लान फसला. शेवटी प्रियकर चेतन चाैधरी याने तुझ्या एकटीकडून काहीच होणार नाही. म्हणत तो देखील त्यादिवशी लोहगडावर पोहोचला होता. केतन अग्रवाल याची हत्या करण्यापूर्वी सर्वकाही नियोजित होते. आदल्यादिवशी एका कॅफेत बसून सिया गोयल आणि चेतन चाैधरी यांनी प्लॅनिंग केले होते. एकमेकांना कधी काय इशारे द्यायचे हे देखील त्यांनी अगोदरच ठरवले होते.
यापूर्वीही ती केतनला घेऊन गडावर गेली होती. तिने केतनला धक्का दिला होता. मात्र, त्यानंतर केनतने एका झाडाला पकडले. त्यावेळी तिने साप बघितल्याचा बहाना केला. केतन अग्रवाल याच्या हत्येनंतर देशात खळबळ उडाली. लोणावळा पोलिसांनी या प्रकरणात सिया गोयल आणि तिचा प्रियकर क्रिकेटर चेतन चाैधरी यांना अटक केले. त्यांची कसून चाैकशी सुरू आहे.
केतन अग्रवाल प्रकरणात लोणावळा पोलिसांकडून नुकताच सिया गोयल हिच्या आई वडिलांची चाैकशी करण्यात आली. तब्बल 12 तास ही चाैकशी सुरू होती. पोलिस सूत्रांनी दिलेल्या माहितीनुसार, लग्न ठरल्यानंतरही सिया नेहमी चेतन याच्यासोबत भेटत होती, याची तुम्हाला माहिती होती का? असा प्रश्न विचारण्यात आला. या प्रश्नाला त्यांनी थेट उत्तर दिले.
सिया गोयल हिच्या आई वडिलांनी म्हटले की, याबाबत आम्हाला काहीचं कल्पना नव्हती. सिया गोयल हिच्या आई वडिलांना पोलिसांकडून अनेक प्रश्न करण्यात आली. सिया गोयल हिच्या आई वडिलांकडून अगोदरच सांगण्यात आले की, आम्हाला सिया आणि चेतन याच्या प्रेम प्रकरणाबद्दल काहीच कल्पना नव्हती. आम्ही कधी साधे त्या मुलाला भेटलो देखील नाहीत.
Leave a Reply