एक कप सोयाबीन स्वच्छ निवडून घ्या आणि ते ८ ते १० तास (किंवा रात्रभर) पाण्यात भिजत ठेवा.सोयाबीन चांगल्या प्रकारे फुलल्यानंतर त्याची सालं हाताने चोळून वेगळे करा आणि ती पाण्यातून काढून टाका.
रात्रभर भिजवलेले सोयाबिन चांगले स्वच्छ पाण्याने धुवा आणि ते मिक्सर जारमध्ये टाका.त्यात ३ ते ४ कप कोमट पाणी घालून मिक्सरमध्ये एकदम बारीक आणि गुळगुळीत वाटून घ्या.
या वाटलेल्या मिश्रणाला एका सुती कपड्यात टाका.कपड्याचे तोंड घट्ट बांधून हाताने किंवा चमच्याच्या मदतीने सोयाबिनचा रस एका भांड्यात पिळून काढा. कपड्यात उरलेला सोयाबीनचा चोथा बाजूला काढून ठेवा.
निघालेला पांढरा रस म्हणजेच सोया मिल्क असते. ते एका मोठ्या भांड्यात गॅसवर उकळायला ठेवा. एक उकळी आल्यानंतर गॅस मंद करा. हे सोयामिल्क १५ ते २० मिनिटे मंद आचेवर दूध शिजू द्या.
सोयाबीनचा असणारा कच्चेपणा जाण्यासाठी हे दूध उकळणे खूप गरजेचे आहे.दूध शिजत असताना त्यावर येणारा फेस चमच्याने काढून टाका
सोया मिल्क चांगले शिजल्यावर गॅस बंद करा. तुम्हाला हवे असल्यास त्यात चवीनुसार साखर किंवा थोडी वेलची पावडर टाकू शकता.
Leave a Reply