वाराणसीतील हरिश्चंद्र पीजी कॉलेजच्या परीक्षा केंद्रावर नीट पुर्नपरीक्षेदरम्यान एक धक्कादायक घटना उघडकीस आली आहे. यावेळी देशभरातून तब्बल 22 लाख विद्यार्थी परिक्षेला बसले होते. कडक सुरक्षा व्यवस्था असूनही, परीक्षा हॉलमध्ये प्रवेश करण्यापूर्वी तपासणीदरम्यान एक उमेदवार आपल्याला अंतर्वस्त्रांत सिम कार्ड लपवलेले होते आणि मागील वर्षीचा नीटचा पेपरही आढळला. या घटनेमुळे परीक्षा केंद्रावर खळबळ उडाली असून, सुरक्षा यंत्रणांनी तपास सुरू केला आहे. वाराणसीत असलेले हरिश्चंद्र पीजी कॉलेज हे नीट यूजी परीक्षेचे केंद्र म्हणून निश्चित करण्यात आले आहे. मिळालेल्या माहितीनुसार, विद्यार्थी परीक्षेसाठी प्रवेश करत असताना आणि तपासणी प्रक्रियेदरम्यान, पोलिसांच्या लक्षात एका उमेदवाराचे संशयास्पद वर्तन आले. संशय आल्याने, पोलिसांनी त्याची कसून झडती घेतली आणि त्याच्या कपड्यांमधून एक सिम कार्ड व मागील वर्षाची नीट परीक्षेची प्रश्नपत्रिका जप्त केली. हे एक डिजिटल संवाद उपकरण असू शकते, ज्याचा वापर कॉपी करण्यासाठी केला जाऊ शकतो, असा संशय आहे.
संशयिताला ताब्यात घेतल्यानंतर, वाराणसी कोतवाली पोलिसांनी त्याला तात्काळ पोलीस ठाण्यात नेले. पोलिसांनी उमेदवाराकडून जप्त केलेले उपकरण आणि प्रश्नपत्रिका जप्त करून त्याची चौकशी केली आहे. सूत्रांनी दिलेल्या माहितीनुसार, प्राथमिक चौकशीदरम्यान, ताब्यात घेतलेल्या विद्यार्थ्याने स्वतःची ओळख बलिया जिल्ह्यातील रहिवासी प्रिन्स दुबे अशी सांगितली.
मात्र, आरोपी विद्यार्थी ते उपकरण घेऊन परीक्षा केंद्रावर कसा पोहोचला, याचा पोलीस आता सखोल तपास करत आहेत. तो परीक्षा केंद्रावर एकटाच होता की त्याचे इतर साथीदारही केंद्रात आले होते, हे देखील ते निश्चित करण्याचा प्रयत्न करत आहेत. दुबेने पोलिसांना सांगितले की, तो NEET परिक्षेची तयारी करण्यासाठी मध्य प्रदेशातील जबलपूर येथे राहत होता आणि विशेषतः परीक्षा देण्यासाठी वाराणसीला आला होता.
यापूर्वी 3 मे रोजी झालेली परीक्षा पेपरफुटीमुळे परिक्षा रद्द करण्यात आली होती. या घटनेने देशभरात मोठा असंतोप निर्माण झाला होता. त्यावरून मोठा राजकीय वादही पेटला आणि केंद्रीय शिक्षण मंत्र्यांच्या राजीनाम्याची मागणीही करण्यात आली होती.
Leave a Reply