Raj Thackeray : महिलांसाठीच्या लोकसभेतील आरक्षण कायद्यात दुरुस्ती करण्यासाठी तसेच मतदारसंघांची पुनर्रचना करण्यासाठी केंद्र सरकारने विधेयक आणले होते. हे विधेयक मात्र बहुमताअभावी नामंजूर झाले. विधेयक मंजुरीसाठी पटलावर ठेवलेले असतानाच विरोधकांनी एकजूट दाखवल्याने विरोधक निष्प्रभ ठरले. दरम्यान, मनसेचे अध्यक्ष राज ठाकरे यांनीदेखील केंद्र सरकारच्या या विधेयकाला विरोध केला आहे. सरकारने रात्री अधिसूचना काढून 2023 सालचा महिला आरक्षण कायदा लागू झाल्याचे घोषित केले. सरकारने एवढी घाई का केली? असा सवाल राज ठाकरे यांनी उपस्थित केला. तसेच सरकारला नेमके काय साध्य करायचे होते? असं म्हणत त्यांनी केंद्र सरकारला आरोपीच्या पिंजऱ्यात उभे केले. दरम्यान, आता राज ठाकरे यांनी आपली भूमिका जाहीर करताच अॅड. गुणरत्न सदावर्ते यांनी समोर येत राज ठाकरेंवर सडकून टीका केली आहे. राज ठाकरे यांना काय कळतं? असे म्हणत सदावर्ते यांनी खिल्ली उडवली आहे.
राज ठाकरे हे अर्ध्या हळकुंडाने पिवळे झाले
सदावर्ते यांनी आज पत्रकार परिषद घेतली. यावेळी त्यांनी विरोधकांनी घेतलेल्या भूमिकावर प्रश्नचिन्ह उपस्थित केले. तसेच राज ठाकरेंवरही टीका केली. राज ठाकरे यांना अनुसूचित जाती, जमातींचे खासदार वाढू द्यायचे नाहीत. राज ठाकरे हे अर्ध्या हळकुंडाने पिवळे झाले आहेत. त्यांना यांना काही समजत नाही, अशी जोरदार टीका गुणरत्न सदावर्ते यांनी केली.
राज ठाकरे यांचे सर्व उद्योग हे टेंडरशी…
राज ठाकरे यांना एससी, एसटी समाजाचे आमदार, खासदार नको आहेत. राज ठाकरे यांचा हाच वैचारिक डीएनए आहे. राज ठाकरे हे ओबीसींचे विरोधक आहेत, असा आरोपही सदावर्ते यांनी केला. तसेच राज ठाकरे यांचे सर्व उद्योग हे महापालिका, टेंडरशी संबंधित आहेत. परंतु राज ठाकरे हे संविधानाला, संविधानाला चुकीचे दर्शवत आहेत, असे म्हणत राज ठाकरे यांचे मनसुबे आम्ही पूर्ण होऊ देणार नाही, इसा इशाराही त्यांनी दिला. दरम्यान, आता गुणरत्नन सदावर्ते यांनी केलेल्या आरोपांनंतर मनसे नेमके काय प्रत्युत्तर देणार, हे पाहणे महत्त्वाचे ठरणार आहे.
Leave a Reply