नीट पेपरफुटी प्रकरणावरून देशातील राजकीय वातावरण तापले असून विविध संघटना आणि पक्षांकडून आंदोलन सुरू आहे. दिल्लीतील जंतर-मंतर येथे सुरू असलेल्या आंदोलनाच्या पार्श्वभूमीवर आता केंद्र सरकारच्या हालचालींना वेग आल्याचे दिसत आहे.
सीजेप कॉक्रोज जनता पार्टीने नीट पेपरफुटी प्रकरणाचा अनेक दिवसांपासून पाठपुरावा केला आहे. सीजेपीचे कार्यकर्ते गेल्या 2 दिवसांपासून दिल्लीतील जंतर-मंतर येथे आंदोलन करत आहेत. दरम्यान, केंद्र सरकारनेही या घडामोडींची गंभीर दखल घेतल्याची माहिती समोर आली आहे. आंदोलनाची तीव्रता वाढत असताना राजकीय हालचालींनाही वेग आला आहे.
याच पार्श्वभूमीवर केंद्रीय गृहमंत्री अमित शाह संसद भवनात दाखल झाले आहेत. ते लोकसभा अध्यक्ष ओम बिर्ला यांची भेट घेणार असल्याची माहिती समोर आली आहे. मिळालेल्या माहितीनुसार, सध्याच्या लोकसभेतील परिस्थिती तसेच सुरू असलेल्या आंदोलनाबाबत या बैठकीत चर्चा होण्याची शक्यता व्यक्त केली जात आहे.
दरम्यान, या बैठकीत नेमक्या कोणत्या मुद्द्यांवर चर्चा होणार आणि सरकारकडून पुढे काय भूमिका घेतली जाणार, याकडे देशभरातील विद्यार्थी, पालक आणि राजकीय वर्तुळाचे लक्ष लागले आहे.
Leave a Reply