रायगड जिल्ह्यातील खोपोलीजवळ ट्रेकिंगसाठी गेलेल्या एका तरुणाचा दरीत पडून दुर्दैवी मृत्यू झाल्याची घटना समोर आली आहे. केपी वॉटरफॉल परिसरातून परतत असताना हा अपघात घडल्याची माहिती मिळाली आहे.
मिळालेल्या माहितीनुसार, ठाणे येथील तरुण मित्रांसह ट्रेकिंगसाठी खोपोलीजवळील केपी वॉटरफॉल येथे गेला होता. धबधबा पाहून परत येत असताना तोल जाऊन तो खोल दरीत पडला. या घटनेत त्याचा जागीच मृत्यू झाल्याचे सांगितले जात आहे.
केपी वॉटरफॉल हे ट्रेकर्स आणि पर्यटकांचे लोकप्रिय ठिकाण असून, विशेषतः पावसाळ्यात येथे मोठ्या संख्येने पर्यटक भेट देतात. मात्र, धोकादायक कड्यांवर जाऊन सेल्फी काढणे आणि रील्स बनवण्याच्या प्रकारांमुळे अपघाताचा धोका वाढत असल्याचे प्रशासनाने नमूद केले आहे.
दरम्यान, या घटनेनंतर प्रशासनाने पर्यटकांना सुरक्षिततेचे नियम पाळण्याचे आवाहन केले आहे. धोकादायक ठिकाणी सेल्फी किंवा व्हिडिओ शूट करण्याच्या नादात जीव धोक्यात घालू नये, तसेच पर्यटनस्थळी आवश्यक ती खबरदारी घेण्याचे आवाहन करण्यात आले आहे.
Leave a Reply