एकनाथ शिंदे यांच्याकडून दुसऱ्यांदा मोठा धक्का उद्धव ठाकरे यांना दिला जात आहे. शिवसेना ठाकरे गटाचे 6 खासदार वेगळा गट निर्माण करत आहेत. हे सर्व खासदार दिल्लीत आहेत. लोकसभा अध्यक्ष ओम बिर्ला यांची भेट एकनाथ शिंदे यांनी काल रात्री उशिरा राजस्थानमध्ये घेतली. आत 6 खासदारांसोबत एकनाथ शिंदे बैठक घेतली. त्यानंतर हे खासदार स्वतंत्र गटाबाबतचे पत्र ओम बिर्ला यांना देतील. राज्यात राजकीय भूकंप येताना दिसत आहे. हे 6 खासदार कालच दिल्लीत दाखल झाले. शिवसेना ठाकरे गटाचे खासदार फुटणार असल्याची जोरदार चर्चा रंगताना दिसत होती. ऑपरेशन टायगर सुरू झाल्याचेही सांगितले जात होते. अखेर ऑपरेशन टायगर सुरू झाल्याचे स्पष्ट झाले. 19 जूनला हे खासदार शिवसेना शिंदे गटात प्रवेश करतील. पक्षाकडून पाठबळ मिळत नसल्याचा आरोप करून हे खासदार शिवसेना शिंदे गटात सहभागी होत आहेत.
या 6 खासदारांची नावेही पुढे आली आहेत. काही आश्वासन यांना देण्यात आले. खासदारांच्या बंडाच्या पार्श्वभूमीवरच आता शिवसेना ठाकरे गटही अलर्ट मोडवर आहे. मोठा निर्णय ठाकरे गटाकडून घेण्यात आला. एकनाथ शिंदे यांच्याकडून ठाकरे गटातील खासदारांना मोठी आश्वासने देण्यात आल्याची सूत्रांची माहिती आहे. एकनाथ शिंदे दिल्लीत दाखल आहेत.
नुकताच मिळालेल्या माहितीनुसार, ठाकरेंच्या शिवसेनेने कायदेशीर सल्ला घेतला आहे. या खासदारांना कायद्याच्या कचाट्यात अडकवण्याचा प्लान असल्याची महिती सूत्रांकडून मिळत आहे. ठाकरे गटाकडून संसदीय दलाची बैठक बोलवण्याच्या हालचाली सुरू आहेत. बैठकीला उपस्थित राहण्यासाठी सर्व खासदारांना व्हीप पाठवल्याचीही माहिती सूत्रांकडून मिळत आहे. बैठकीला अनुपस्थित राहिल्यास शिस्तभंगाची कारवाई केली जाणार आहे.
या खासदारांना कायद्याच्या कचाट्यात अडकवण्याचा प्लान करण्याची माहिती सूत्रांकडून मिळत आहे. पक्षाच्या सर्व खासदारांना मेलच्या माध्यमातून हे व्हिप जारी करण्यात आल्याची माहिती पुढे येत आहे. आता या बैठकीला नक्की कोणते खासदार उपस्थित राहणार आणि कोणी नाही हे स्पष्ट होईल. मात्र, या फुटीच्या पार्श्वभूमीवर दिल्लीत मोठ्या घडामोडी घडताना दिसत आहेत.
Leave a Reply