मुंबईतील रुस्तुमजी क्राऊन या उच्चभ्रू टॉवरमधील 128 फ्लॅटवर महापालिकेने तोडक कारवाईचा निर्णय घेतला आहे. अतिक्रमण केल्याचे समोर आल्याने ही ॲक्शन घेण्यात आली आहे. यामुळे एकच खळबळ उडाली आहे. एका पॉश परिसरातील इमारतीवर थेट कारवाई होत असल्याने अनेकांची दाबे दणाणली आहेत. लिफ्ट परिसरातील मोकळ्या जागेत अतिक्रमण केल्याची तक्रार करण्यात आली होती. त्यानंतर या इमारतीवर मोठ्या कारवाईची शक्यता वर्तवली जात आहे. विशेष म्हणजे अनेक मंत्री महोदय, आजी माजी आमदार आणि मोठ्या व्यावसायिकांचे फ्लॅट या इमारतीमध्ये आहेत.
अतिक्रमित जागेची किंमत 250 कोटींहून अधिक
अतिक्रमित जागेची बाजारातील किंमत 250 कोटींहून अधिक असल्याचा दावा तक्रारीत करण्यात आला होता. या इमारतीच्या लिफ्ट परिसरातील मोकळ्या जागेत अतिक्रमण केल्याची तक्रार करण्यात आली आहे. या टॉवरमध्ये 63 मजल्यांच्या तीन इमराती आहेत. आतापर्यंत दोन इमारतींना ओसी, ना हरकत प्रमाणपत्र मिळाले आहे. आरटीआय कार्यकर्ते संतोष दौंडकर यांनी याविषयीची तक्रार केली होती. त्यानंतर रुस्तुमजी क्राऊन या उच्चभ्रू टॉवरमधील 128 फ्लॅटवर महापालिकेने तोडक कारवाईचा निर्णय घेतला आहे.
या मंत्र्यांचा या इमारतीत फ्लॅट
मंत्री संजय राठोड, शीतल राठोड आणि समाधान सरवणकर यांच्या फ्लॅटचाही या इमारतीत समावेश आहे. माजी मंत्री दीपक केसरकर यांच्या भाडेतत्त्वावरील फ्लॅटवरही कारवाई होणार असल्याचे कळते. टॉवरमध्ये राजकीय नेते, अधिकारी आणि व्यावसायिकांचे फ्लॅट आहे. अतिक्रमित परिसरातील जागेचा दर प्रति चौरस फूट एक लाख रुपयांहून अधिक आहे. टॉवरमध्ये 63 मजल्यांच्या तीन इमारती आहेत. दोन इमारतींना ओसी मिळाले आहे. लिफ्ट परिसरातील मोकळ्या जागेवर अतिक्रमण केल्याचा आरोप आरटीआय कार्यकर्ते संतोष दौंडकर यांनी केला होता. त्यांच्या तक्रारीनंतर कारवाई करण्यात येत आहे. अतिक्रमित जागेची बाजारातील किंमत 250 कोटींहून अधिक असल्याचा दावा करण्यात येत आहे. जी-साऊथ विभागाच्या सहाय्यक आयुक्तांकडून कारवाई करण्यात येत आहे. टॉवरमध्ये राजकीय नेते, अधिकारी आणि व्यावसायिकांचे फ्लॅट आहेत. अतिक्रमित परिसरातील जागेचा दर प्रति चौरस फूट एक लाख रुपयांहून अधिक आहे.
Leave a Reply