आता इटलीतील तरुण आणि सरकारमध्ये दरी रुंदावली आहे. वृत्त संस्था रॉयटर्सच्या एका वृत्तानुसार, पंतप्रधान जॉर्जिया मेलोनी यांच्या सरकारविरोधात तरुणाईचा संताप दिसून येत आहे. पुढील वर्षी म्हणजे 2027 मध्ये इटलीत सार्वत्रिक निवडणूक होत आहे. त्यापूर्वीच तरुणाईने मेलोनी आणि त्यांच्या पक्षासमोर मोठे आव्हान उभे केले आहे. त्यांच्यासाठी तरुणाईतील हा असंतोष डोकेदुखी ठरण्याची शक्यता वर्तवली जात आहे. या आक्रोशामागे नेमकी काय आहेत कारणं? इटलीचे तरूण मेलोनी यांच्यावर का झालेत नाराज?
तरुणाई मेलोनी यांच्यावर का रूसली?
Yourtrend नुसार, मेलोनी यांच्या उजव्या सरणीच्या आघाडीवर 35 वर्षांखालील 30% टक्के मतदार फिदा आहेत. या आघाडीत मेलोनी यांचा पक्ष ब्रदर्स ऑफ इटली, माटेओ साल्विनी यांचा League आणि परराष्ट्र मंत्री अँटोनियो तजानी यांच्या Forza Italia या पक्षांचा समावेश आहे. तर पंतप्रधान झाल्या तेव्हा 2023 मध्ये मेलोनी यांच्या ब्रदर्स ऑफ इटली पक्षाला 30% जवळपास पाठिंबा मिळाला होता. तर विरोधी आघाडीला जवळपास 50 टक्के मतदारांनी डोक्यावर घेतले होते. इटलीतील विरोधी गोटात डेमोक्रॅटिक पक्ष, 5-Star Movement आणि Left-Green Alliance सारख्या पक्षांचा समावेश आहे.
मेलोनीवर तरुणाई नाराज का?
2022 नंतर देशात बेरोजगारी कमी करण्याचे, तरुणाईला नोकरी देण्याचे वचन पूर्ण करण्यात त्यांना यश आले नसल्याचा दावा करण्यात येत आहे. आर्थिक आघाडीवरही त्यांना सरस कामगिरी बजावता आलेली नाही. मेलोनी यांच्या सरकारने कायदा आणि सुव्यवस्था अबाधित राहण्यासाठी काही पावलं टाकली होती. त्याचा तरुणाईवर परिणाम दिसला. अनेक आघाड्यांवर सरकारला मोठे काही करता आलेले नाही. या कारणामुळे 18-34 वयोगटातील मतदारांमध्ये तीव्र नाराजी आहे. त्यांच्यात सरकारविरोधात असंतोष उफाळला आहे. पोलिंग एजन्सी ‘Youtrend’ चे प्रमुख लोरेंजो प्रेग्लियास्को यांच्या मते तरुणाई आता डाव्या पक्षांकडे झुकत असल्याचा दावा केला आहे.
रॉयटर्स या वृत्त संस्थेने Luiss University विद्यापीठातील राज्यशास्त्राचे प्राध्यापक लोरेंजो डी सियो यांच्याशी याविषयावर चर्चा केली. मेलोनी सरकारने आर्थिक क्षेत्रात मोठ्या सुधारणा केल्या नाहीत, त्यामुळे नवीन रोजगार उपलब्ध झाले नाहीत, असे ते म्हणाले. Eurostat च्या आकडेवारीनुसार, 15 ते 24 वयोगटातील रोजगार निर्देशांक हा संपूर्ण युरोपमध्ये इटलीतच सर्वात कमी आहे. बँक ऑफ इटलीनुसार, जर्मनीत एक तरुण पदवीधर बऱ्यापैकी आयुष्य जगतो. पण इटलीत याच वयोगटातील पदवीधर नोकरीच्या विंवचनेत आहे. तर त्याची कमाईही सुद्धा जर्मनीतील कमाईच्या तुलनेत 20 टक्के कमी आहे. आता राहिला प्रश्न तिथले तरुण रस्त्यावर उतरणार आहेत का? आंदोलन करणार आहेत का? याचे उत्तर भविष्यात कळेल.
Leave a Reply