Pranit More Row Dr Sejal Pawar Apology: हिमांशु जागडा याचा ‘370 रुपयांची बिर्याणी’ चा वाद थांबलाही नव्हता तर स्टँडअप कॉमेडियन प्रणित मोरे याच्या शोमधील एक जुना व्हिडिओ व्हायरल झाला. या व्हिडिओत केईएम रुग्णालयातील डॉक्टर सेजल पवार हिच्या असंवेदनशील टिप्पणीने काहूर उठले. तिने तिच्या मेडिकल प्रॅक्टीसदरम्यानचा एक असा किस्सा सांगितला की, ती ट्रोल झाली. आता या सर्व अश्लील टिप्पणीनंतर प्रणित मोरेसह या डॉक्टरवर सायबर पोलिसांनी गुन्हा दाखल केला आहे. तर वादग्रस्त आणि अश्लील विधानानंतर उपरती झालेल्या महिला डॉक्टरने माफी मागितली आहे.
महिला डॉक्टरच्या वक्तव्याने वाद
प्रणित मोरे याच्या लाईव्ह क्राऊड वर्क शो दरम्यान त्याने डॉक्टर सेजलला प्रश्न विचारला. शवविच्छेदनावेळी अॅनाटॉमी लॅबमध्ये काम करताना वैद्यकीय विद्यार्थी गंभीर असतात पण तिथे काही विनोद घडतात का? असा त्याचा प्रश्न होता. मोरेच्या प्रश्नाचा रोख ओळखून सेजलने जे वक्तव्य केले ते धक्कादायक होते. ती आणि तिची मैत्रिण ही पुरुष मृतदेहाच्या गुप्तांगांच्या आकाराची तुलना करायची, असे डॉ. सेजल पवार हिने सांगितले. त्यावर प्रेक्षक आणि प्रणित मोरे हासला. हा व्हिडिओ सोशल मीडियावर येताच नेटकऱ्यांनी एकच संताप व्यक्त केला. सोशल मीडियावर लोकांचा संताप दिसून आला. लोकांनी या दोघांसह उपस्थित प्रेक्षकांना शिव्यांची लाखोली वाहिली.
डॉक्टर सेजलवर संताप
हा व्हिडिओ समोर आल्यानंतर नेटकऱ्यांनी डॉ. सेजल पवार हिच्यावर टीकेचा आसूड ओढला. तिच्या या असंवेदनशील टिप्पणीवर लोकांनी संताप व्यक्त केला. अत्यंत लाजीरवाणी घटना असल्याचे नेटकऱ्यांचं म्हणणं आहे. अशाप्रकारे विनोद करणे टाळायला हवे होते. या घटनेमुळे शरीर दान करण्याची कोणी हिंमत करणार नाही. डॉ. सेजल पवार ही एका नोबेल प्रोफेशनमध्ये असताना तिचे विचार किती हीन आहेत, अशी टीकाही सोशल मीडियावर सुरू आहे.
Cute ladki hai bhai.. Maaf kar do bichari ko…#Sejalpawar #pranitmore pic.twitter.com/zhRHPA837D
— Spider (@SpiderAlert24) June 11, 2026
सायबर पोलिसांमध्ये गुन्हा
स्टँडअप कॉमेडियन प्रणित मोरे याच्यासह डॉ. सेजल पवार आणि हिमांशु जांगडा याच्याविरोधात पोलिसांनी कारवाई केली आहे. महाराष्ट्र सायबर शाखेकडून गुन्हा दाखल करण्यात आला आहे. सोशल मीडियावर आक्षेपार्ह, अश्लील आणि महिलांबाबत अवमानकारक मजकूर प्रसारित केल्याप्रकरणी बीएनएस आणि आयटी कायद्यातंर्गत गुन्हा दाखल करण्यात आला आहे. या सर्वांना चौकशीसाठी समन्स पाठवण्यात आले आहे.
Leave a Reply