मुंबईतील विले पार्ले पश्चिम येथील चर्च रोडजवळील एका इमारतीला काल रात्री 10 च्या सुमारास भीषण आग लागली. आगीची पातळी लेव्हल-2 होती. आगीची माहिती मिळताच अग्निशमन दलाच्या गाड्या घटनास्थळी दाखल झाल्या. मात्र, ही आग नक्की कोणत्या कारणाने लागली हे अद्याप कळू शकले नाही. विले पार्ले येथील शांता भुवन येथील इमारतीला आग लागली हाती. अग्निशमन दलाच्या जवानांनी प्रयत्न करून या आगीवर रात्री उशिरा नियंत्रण मिळवले. इमारतीच्या 11 व्या मजल्यावरील फ्लॅट क्रमांक 1101 आणि 1102 मधील सुमारे 4000 चौरस फूट क्षेत्रातील आग लागली होती. इलेक्ट्रिक वायरिंग, इलेक्ट्रिक इन्स्टॉलेशन, एसी युनिट, घरातील वस्तू, सोफा, पलंग, फॉल्स सीलिंग, स्वयंपाकघरातील भांडी यात जळून खाक झाली आहे. आगीचा मोठा भडका उडाला होता.
या आगीत एकूण 8 जण जखमी झाल्याचे माहिती आहे. त्यापैकी दोघांना कूपर हॉस्पिटलमध्ये आणि 6 जणांना नानावटी हॉस्पिटलमध्ये पाठवण्यात आले आहे. घरात 6 जखमी आढळले असून, त्यापैकी 2 जणांना मृत घोषित करण्यात आले आहे, उर्वरित चार जखमींची प्रकृती स्थिर असल्याची माहिती मिळतंय. या आगीमुळे नागरिकांमध्ये भीतीचे वातावरण बघायला मिळतंय.
यामध्ये अबीर 2.5 वर्षे, मृत घोषित, अंकिता 23 वर्षे, मृत घोषित, पार्थ 32 वर्षे प्रकृती स्थिर, हिरेन 64 वर्षे प्रकृती स्थिर, यशस्वी 33 वर्षे प्रकृती स्थिर. उपचार करून घरी सोडण्यात आले. अभिषेक प्रकृती स्थिर. उपचार करून घरी सोडण्यात आले. या आगीत दोन अग्निशमन जवान देखील जखमी झाले आहेत. मनोज सोनावणे फायरमन पुरुष 30 वर्षे उपचार करून घरी सोडण्यात आले.
शिवम द्विवेदी, पुरुष 29 वर्षे किरकोळ जखमी उपचार करून घरी सोडण्यात आले. या आगीबाबत अधिकची माहिती अशी की, आगीची ही घटना ग्राउंड प्लस 12 मजली इमारतीत घडली. मुंबई अग्निशमन दलाने रात्री 10.08 वाजता या घटनेला लेव्हल-1 घोषित केले. त्यानंतर रात्री 10.16 वाजता आगीची तीव्रता वाढल्याने लेव्हल-2 करण्यात आली. मुंबई अग्निशमन दलाला रात्री 10.02 वाजता आगीची माहिती मिळाली होती.रात्री 10.26 वाजता घटनेबाबत अपडेट जारी करण्यात आले.
Leave a Reply