‘लॉक अप 2’ या रिॲलिटी शोमध्ये सध्या जोरदार नाट्यमय गोष्टी घडताना दिसत आहे. प्रसिद्ध अभिनेता गौरव खन्ना नुकताच या शोच्या एका एपिसोडमध्ये दिसला. पत्नी आकांक्षा चमोलाने घटस्फोटाची घोषणा केल्याबद्दल त्यांनी नाराजी व्यक्त केली. आपली नाराजी व्यक्त करताना गौरव आकांक्षाला स्पष्टपणे म्हणाले, “आपण या विषयावर फक्त आपापसातच चर्चा केली आहे. घटस्फोटाच्या कागदपत्रांवर अजून कोणत्याही न्यायालयात सह्या झालेल्या नाहीत, तसेच आपला घटस्फोट कायदेशीररित्या अंतिम झालेला नाही. जेव्हा गौरवने आकांक्षाला याबद्दल विचारले, तेव्हा ती म्हणाली, “तु ‘खतरों के खिलाडी’मध्ये सहभागी होणार होता, तेव्हा हा निर्णय घेतला होता.” आकांक्षाला मध्येच थांबवत गौरव म्हणाला, “तू शोमध्ये जाण्याच्या अवघ्या सात दिवस आधी माझ्यासाठी ही मोठी अडचण निर्माण केली आहेस. शांत डोक्याने विचार कर. अशा परिस्थितीत कोणी काय करेल?” मी तिथे जाऊन माझ्या धोकादायक स्टंटवर लक्ष केंद्रित करू की माझ्या मनात सुरू असलेल्या प्रचंड गोंधळाला हाताळू? एकाच वेळी दोन्ही गोष्टी सांभाळणे माझ्यासाठी खूप कठीण होते.”
तो पुढे म्हणाला, “बरं, त्या घटनेला आता बराच काळ लोटला आहे. त्यावेळी आमच्यात जे काही घडलं होतं, आम्ही पुढे निघून गेलो आहोत.” यानंतर, शोची होस्ट फराह खानने गौरव आणि आकांक्षाला एकमेकांशी बोलण्यासाठी तिची केबिन दिली. केबिनमध्ये प्रवेश करताच गौरव आकांक्षाशी मनमोकळेपणाने बोलला. गौरव म्हणाला, “मे महिन्यात, जेव्हा मी माझ्या नवीन शोसाठी निघत होतो, तेव्हा याबद्दल बोललो होतो. पण आता बाहेरच्या लोकांना असं वाटतंय की जणू काही आमचा वर्षभरापूर्वीच घटस्फोट झाला आहे. लोक वाट्टेल ते तर्कवितर्क लावत आहेत.”
आकांक्षाशी बोलताना गौरव म्हणाला की, “बाहेरचे लोक वाट्टेल ते तर्कवितर्क लावत आहेत. लोक ज्या प्रकारे या संपूर्ण परिस्थितीकडे पाहत आहेत, ते पाहून मला खरंच धक्का बसला आहे. प्रत्येकजण आपल्या मनाप्रमाणे गोष्टी रचत आहे आणि सोशल मीडियावर किंवा इतरत्र त्यांच्या मनात जे काही येईल ते लिहित आहे. अशा खोट्या दाव्यांचा सत्याशी काहीही संबंध नाही. लोक विचार न करता त्यांच्या नात्यावर बोट दाखवत आहेत, जे पूर्णपणे चुकीचे आहे. कोणाच्याही वैयक्तिक आयुष्याबद्दल अशी विधाने केली जाऊ नयेत. तुझ्याबद्दल कोणी एक शब्दही बोललेला मी सहन करू शकत नाही. कायदेशीररित्या, आपण अजूनही विवाहित आहोत आणि मी तुझा नवरा आहे. ज्या व्यक्तीसोबत मी होतो किंवा अजूनही आहे, तिच्याबद्दल कोणीही काही वाईट बोललेले मला आवडत नाही.” गौरवने ज्यापद्धतीने परिस्थिती हाताळली त्याचे सर्वत्र कौतुक होत आहे.
Leave a Reply