CJP Protest Delhi : गेल्या महिनाभरापासून जंतर मंतरवर कॉकरोच जनता पार्टीचे आंदोलन सुरू आहे. सोनम वांगचुक यांचं उपोषण पोलिसांनी मोडीत काढल्यानंतर हे आंदोलन अधिकच चिघळलं. त्यानंतर अभिजीत दिपके यांनी थेट संसदेवर मोर्चा काढला. त्यांचा हा मोर्चा संसद परिसरापर्यंत पोहोचू शकला. त्यानंतर आंदोलन चिघळले. मोर्चानंतरही आंदोलक आपल्या मागणीवर ठाम आहेत. देशातील विरोधी पक्षातील नेते आंदोलकांची भेट घेत आहेत. केंद्रीय शिक्षण मंत्री धर्मेंद्र प्रधान यांच्या राजीनाम्यावर आंदोलक ठाम आहेत. मात्र, सरकारकडून कोणत्याही प्रकारची पाऊले धर्मेंद्र प्रधान यांच्या राजीनाम्याबद्दल उचलली जात नाहीत. पावसापाण्यात विद्यार्थी आंदोलन करत आहेत. गेल्या तीन दिवसापासून विद्यार्थी आक्रमक झाले आहेत. सोमवारी विद्यार्थ्यांवर लाठीचार्ज करण्यात आला. धर्मेंद्र प्रधान यांच्या घराची सुरक्षा वाढवण्यात आली. विद्यार्थ्यांवर कारवाई करू नका, अशा संदेश देणारा व्हिडीओ सोनम वांगचुक यांच्याकडून शेअर करण्यात आला.
यादरम्यानच जंतर मंतरवरील अनेक व्हिडीओ व्हायरल होत आहेत. रात्री सुमारे साडेआठ वाजता, दिल्लीच्या कनॉट प्लेसमधील टॉल्स्टॉय मार्गाजवळ,आंदोलक असल्याचे भासवणाऱ्या समाजकंटकांनी पुन्हा एकदा पोलिसांवर हल्ला केला. ज्याचा व्हिडीओ व्हायरल होत आहे. जमावाने अचानक दगड आणि बाटल्यांनी पोलीस कर्मचाऱ्यांवर हल्ला चढवला. ज्यात कनॉट प्लेसचे एसीपी विवेक भगत जखमी झाल्याची माहिती आहे.
एका वरिष्ठ अधिकाऱ्याने त्यांना स्वतः आरएमएल रुग्णालयात नेले. तिथे त्यांच्यावर उपचार सुरू आहेत. काही मिनिटे परिस्थिती तणावपूर्ण होती. थेट पोलिसांवर हल्ला चढवल्याने खळबळ उडाली. संध्याकाळ होताच जमावाने अचानक पोलीस आणि प्रसारमाध्यमांवर हल्ला केला. यामुळे काही काळ तणाव वाढला.
दिल्लीतील जंतर मंतर परिसरात रात्री 8.30 वाजता मोठा हल्ला पोलिसांवर झाला. या हल्ल्यात काही पोलिस अधिकारी जखमी झाल्याची माहिती आहे. pic.twitter.com/pXldsuHTYv
— TV9 Marathi (@TV9Marathi) July 23, 2026
जंतर मंतर येथील परिस्थिती शांत आहे. पोलिसांवरील हल्ल्याचा व्हिडीओ व्हायरल होत आहे. पोलिसांच्या अंगावर जाताना हे मुले दिसत आहेत. तोंडाला रूमाल बांधून काहीजण पोलिसांना मारहाण करत आहेत. जमाव अधिक आहे आणि पोलिसांची संख्या कमी व्हिडीओमध्ये दिसत आहे. रिंगण करून पोलिसांना जमावाकडून घेरले जात आहे. पोलिसांवर दगड फेकली जात असल्याचे व्हिडीओमध्ये स्पष्ट दिसतंय.
Leave a Reply