रिअॅलिटी शो 'लॉक अप 2'मध्ये सहभागी झालेल्या अभिनेत्री आकांक्षा चौधरीने आपल्या आयुष्यातील एक धक्कादायक अनुभव सांगितला. शोदरम्यान तिने खुलासा केला की, ब्यूटी पेजंटमध्ये सहभागी होत असताना तिला कास्टिंग काउचचा सामना करावा लागला होता.
आकांक्षाने सांगितले की, स्पर्धेसाठी गारमेंट्स आणि ट्रेनिंग फी भरण्यासाठी तिला 1 ते 2 लाख रुपयांची गरज होती. कुटुंबाकडून एवढी मोठी रक्कम मिळणे शक्य नसल्याने तिने पेजंट इंडस्ट्रीतील एका प्रसिद्ध व्यक्तीकडे आर्थिक मदत मागितली. तिने त्यांना असे सांगितले की ती काम करून तुम्हाला पैसे परत करेल.
मात्र, त्या व्यक्तीने मदतीच्या नावाखाली तिच्याशी गैरवर्तन करण्याचा प्रयत्न केला. तसेच, पैसे देण्याच्या बदल्यात दर महिन्याला अनेक वेळा शारीरिक संबंध ठेवण्याची अट घातल्याचा आरोप आकांक्षाने केला.
तिने ही मागणी ठामपणे नाकारली. त्यानंतर संबंधित व्यक्तीने तिला धमकावत, भविष्यात पश्चात्ताप होईल असेही सांगितल्याचे तिने म्हटले,
हा प्रसंग सांगताना आकांक्षा भावूक झाली. शोचे होस्ट फराह खान आणि रितेश देशमुख यांनी तिचे धैर्य कौतुकास्पद असल्याचे सांगत तिला पाठिंबा दिला.
Leave a Reply