देशातील गुन्हेगारीचे सत्र दिवसेंदिवस वाढत चालले आहे. शुक्रवारी थेट एका काँग्रेस नेत्याची दिवसाढवळ्या गोळ्या घालून हत्या करण्यात आली. दोन तरुण मोटारसायकलवर आले आणि त्यांनी धाड धाड गोळ्या झाडल्या. काही हालचाल करण्यापूर्वीच काँग्रेस नेत्याची हत्या झाली. हत्येचा मुख्य आरोपी शूटरला बिंदूरजवळील ओट्टिनाने परिसरात पोलीसांनी घेरलं आणि अटक केली. या प्रकरणात इतर दोन आरोपी घटनास्थळावरून पळून जाण्यात यशस्वी झाले. मात्र पोलिस त्यांचा शोध घेत आहेत.
काँग्रेसच्या नेत्याची हत्या
कर्नाटकातील काँग्रेस नेते आणि व्यावसायिक डेव्हिड डिसूझा यांच्या हत्येने खळबळ माजली आहे. त्यांची करणाऱ्या आरोपीची ओळख उत्तर प्रदेशचा निवासी राजू अशी झाली आहे. आरोपी राजूने कथितरीत्या पोलीस पथकावर हल्ला केल्यानंतर पोलिसांनी आत्मरक्षणार्थ त्याच्यावर गोळीबार केला. आरोपीच्या उजव्या पायाला गोळी लागली. एसआय तेजस्वीही जखमी झाले आहेत. सध्या त्यांचे एका खासगी रुग्णालयात उपचार सुरू आहेत. आरोपी राजूचेही उपचार सुरू आहेत. त्याला मणिपाल रुग्णालयात दाखल करण्यात आले आहे.
वाचा: डॉक्टर इंजिनीअरपेक्षा जास्त पगार, ईशा अंबानीच्या मुलांना सांभळणारी नॅनी कोण?
नेमकं काय घडलं?
प्रकरणात इतर दोन आरोपी घटनास्थळावरून पळून जाण्यात यशस्वी झाले. सध्या पोलीस पथके त्यांच्या शोधात आहेत. शुक्रवार ७ ऑगस्ट रोजी काँग्रेस नेते, कंत्राटदार आणि ग्रामपंचायतचे माजी अध्यक्ष डेव्हिड डिसूझा यांची सरेआम गोळ्या घालून हत्या करण्यात आली होती. मोटारसायकलवर आलेल्या दोन अज्ञात हल्लेखोरांनी डेव्हिड डिसूझा यांच्यावर तीन फेऱ्या गोळ्या झाडून त्यांची हत्या केली. हत्येनंतर ते दोघेही ताबडतोब तेथून पळून गेले होते.
हे आर्थिक वादाचे प्रकरण असल्याचे म्हटले जात आहे. मात्र पोलिस या प्रकरणात अतिशय सखोल चौकशी करत आहेत आणि पोलीस चौकशीनंतरच हत्येचे खरे कारण समोर येईल. डेव्हिड डिसूझा हे काँग्रेस नेते असण्यासोबतच कंत्राटदार आणि ग्रामपंचायतचे माजी अध्यक्षही होते.सध्या पोलिस घटनास्थळावरील सीसीटीव्ही फुटेज आणि फॉरेन्सिक तपासणीद्वारे पुरावे गोळा करत आहेत. पोलिस प्रकरणाशी संबंधित प्रत्येक पैलूची चौकशी करत आहेत.
Leave a Reply