सॅमसंगने गॅलेक्सी अनपॅक्ड इव्हेंटमध्ये आपला नवीन फोल्डेबल स्मार्टफोन गॅलेक्सी झेड फोल्ड 8 लाँच केला. कंपनीचा दावा आहे की हा आतापर्यंतचा वजनात सर्वात हलका असलेला गॅलेक्सी झेड फोल्ड स्मार्टफोन आहे. या फोनमध्ये नवीन फ्लेक्स टायटॅनियम डिझाइन, स्नॅपड्रॅगन 8 एलिट जेन 5 प्रोसेसर, 4800mAh बॅटरी आणि 50-मेगापिक्सलचा ड्युअल रियर कॅमेरा आहे. तसेच हा फोन अँड्रॉइड 17-आधारित वन यूआय 9 वर चालतो. चला तर मग या सॅमसंगच्या या फोल्डेबल फोनची किंमत आणि फिचर्स त्यासोबत त्यावरील ऑफर्स देखील जाणून घेऊयात. भारतात सॅमसंग गॅलेक्सी झेड फोल्ड 8 चा 12जीबी रॅम आणि 256जीबी व्हेरिएंटची किंमत 1 लाख 79 हजार 999 रूपयांपासून सुरू होते. तर 12जीबी + 512जीबी मॉडेलची किंमत 1 लाख 99 हजार 999 रूपये आहे आणि 16जीबी + 1टीबी व्हेरिएंटची किंमत 2 लाख 39 हजार 999 रूपये आहे. हा फोन ग्राफाइट, क्रीम आणि लॅव्हेंडर रंगांमध्ये उपलब्ध असेल, तर पिस्ता रंग फक्त ऑनलाइन उपलब्ध असेल. कंपनी या फोन खरेदीवर 10 हजारापर्यंतचा अपग्रेड बोनस, तर 9 हजारापर्यंतचा बँक किंवा यूपीआय कॅशबॅक, नो-कॉस्ट ईएमआय आणि दोन वर्षांचा सॅमसंग केअर प्लस प्रोटेक्शन प्लॅन देखील देत आहे. याव्यतिरिक्त, गॅलेक्सी फॉरएव्हर प्रोग्राम अंतर्गत 55% पर्यंतचा ॲश्युअर्ड बायबॅक पर्याय देखील देत आहे.
सॅमसंग गॅलेक्सी झेड फोल्ड 8: फिचर्स
गॅलेक्सी झेड फोल्ड 8 मध्ये 7.6-इंचाचा डायनॅमिक AMOLED 2X इनर डिस्प्ले आणि 5.5-इंचाचा डायनॅमिक AMOLED 2X कव्हर स्क्रीन आहे. दोन्ही डिस्प्ले 120Hz अॅडॅप्टिव्ह रिफ्रेश रेट आणि 3000 निट्सपर्यंतच्या पीक ब्राइटनेसला सपोर्ट करतात. या फोनमध्ये नवीन फ्लेक्स टायटॅनियम डिझाइन आहे, ज्यामध्ये टायटॅनियम प्लेट्स आणि टायटॅनियम अलॉय फिल्मचा वापर केला जातो. कंपनीच्या मते, यामुळे फोन पूर्वीपेक्षा अधिक पातळ आणि मजबूत होतो, तसेच हिंज देखील अधिक सहजतेने उघडते. यामध्ये स्नॅपड्रॅगन 8 एलिट जेन 5+ गॅलेक्सी प्रोसेसर, 16GB पर्यंत रॅम आणि 1TB पर्यंत स्टोरेज आहे.
कॅमेऱ्यांच्या बाबतीत बोलायचे झाल्यास, यात दोन 50-मेगापिक्सलचे रियर कॅमेरे, एक 10-मेगापिक्सलचा कव्हर कॅमेरा आणि एक 10-मेगापिक्सलचा इनर कॅमेरा आहे. हे 30 fps वर 8K व्हिडिओ रेकॉर्डिंगला सपोर्ट करते.
बॅटरी, एआय वैशिष्ट्ये आणि कनेक्टिव्हिटी
सॅमसंग गॅलेक्सी झेड फोल्ड 8 मध्ये 4800mAh क्षमतेची बॅटरी आहे, जी 45W वायर्ड आणि 20W वायरलेस चार्जिंगला सपोर्ट करते. हा फोन अँड्रॉइड 17-आधारित One UI 9 वर चालतो. कंटेंट क्रिएटर्ससाठी यात ड्युअल रेकॉर्डिंग फीचर आहे. जे तुम्हाला दोन्ही बाजूच्या कॅमेऱ्यांमधून एकाच वेळी व्हिडिओ रेकॉर्ड करण्याची आणि कव्हर स्क्रीनवर त्याचे प्रिव्ह्यू करण्याची सुविधा देते. नवीन ‘माय फॅनकॅम’ (My FanCam) फीचर निवडलेल्या विषयाला आपोआप ट्रॅक करते आणि व्हिडिओ फ्रेमिंग समायोजित करते. हा फोन 5जी, वाय-फाय 7, ब्लूटूथ, यूएसबी टाइप-सी आणि एनएफसीला सपोर्ट करतो. याला आयपी४८ (IP48) रेटिंग आहे आणि त्याचे वजन 201 ग्रॅम आहे, ज्यामुळे हा आतापर्यंतचा सर्वात हलका गॅलेक्सी झेड फोल्ड स्मार्टफोन ठरतो.
————————————————————————————————
सॅमसंग गॅलेक्सी झेड फोल्ड 8 मध्ये नवीन डिझाइन आणि पॉवरफूल हार्डवेअर देण्यात आले आहे. या फोनमध्ये फ्लेक्स टायटॅनियम डिस्प्ले, 4800mAh बॅटरी यांसारखी प्रीमियम वैशिष्ट्ये आहेत. चला तर मग सॅमसंगच्या फोल्डेबल फोनची किंमत आणि फिचर्स जाणून घेऊयात.
————————————————————————————————
Samsung lightest foldable phone launched featuring a Flex Titanium design and the Snapdragon 8 Elite Gen 5 chip
————————————————————————————————
Tech, Tech News, Tech News Marathi, Samsung Galaxy Z Fold 8 Launch, Samsung Galaxy Z Fold 8 Price, Samsung Galaxy Z Fold 8 Features, टेक, टेक बातमी, टेक बातमी मराठी, सॅमसंग गॅलेक्सी झेड फोल्ड 8 लाँच, सॅमसंग गॅलेक्सी झेड फोल्ड 8 किंमत, सॅमसंग गॅलेक्सी झेड फोल्ड 8 फिचर्स
Leave a Reply