तुम्ही जर ॲपलच्या नवीनतम आयफोन 17 सिरीजमधील फ्लॅगशिप मॉडेल आयफोन 17 प्रो मॅक्स खरेदी करण्याचा विचार करत असाल, तर हजारो रुपये वाचवण्यासाठी या फोनसाठी कोणत्या ई-कॉमर्स साईटवर मोठी सवलत दिली जात आहे हे जाणून घेतले पाहिजे. तर तुम्हाला माहित आहे का की फ्लिपकार्ट आणि ॲमेझॉन यांपैकी कोणता ई-कॉमर्स प्लॅटफॉर्म आयफोन 17 प्रो मॅक्सचा 256 जीबी स्टोरेज व्हेरिएंट सर्वात कमी किमतीत विकत आहे? चला तर मग आजच्या लेखात आपण या ऑफरबद्दल सविस्तरपणे जाणून घेऊयात.
फ्लिपकार्टवरील आयफोन 17 प्रो मॅक्स 256 जीबी किंमत
सर्वप्रथम फ्लिपकार्टवरील आयफोन 17 प्रो मॅक्स फोनच्या किंमतीबद्दल जाणून घेऊयात. प्रो मॅक्सचा 256 जीबी स्टोरेज व्हेरिएंट 5% टक्के सवलतीसह 1 लाख 42 हजार 900 रूपयांना विक्रीसाठी उपलब्ध केला गेला आहे. या फोनसोबत आकर्षक बँक ऑफर्ससुद्धा मिळत आहेत, ज्यामुळे तुम्ही 6 हजार रूपयांपर्यंत बचत करू शकतात. यामध्ये एसबीआय (SBI) आणि ॲक्सिस (Axis) कार्डवर 6 हजार रूपयांची एचडीएफसी (HDFC) कार्डवर 3 हजार 250 रूपये आणि आयसीआयसीआय (ICICI) कार्डवर 3 हजार रूपयांच्या सवलतीचा समावेश आहे.
ॲमेझॉनवरील आयफोन 17 प्रो मॅक्स 256 जीबी व्हेरिएंटची ही आहे किंमत
सध्या ॲमेझॉनवर आयफोन 17 प्रो मॅक्सच्या 256GB स्टोरेज व्हेरिएंटवर कोणतीही सूट नाही, म्हणजेच तो तुम्हाला 1 लाख 49 हजार 900 रूपयांना खरेदी करावा लागेल. तुमच्याकडे SBI, ICICI किंवा Axis बँकेचे क्रेडिट कार्ड असल्यास, तुम्हाला 4 हजार रूपयांची त्वरित सूट मिळू शकते. बँकेच्या ऑफरचा लाभ घेतल्यानंतरही हा फोन फ्लिपकार्टवरील फोनपेक्षा महाग असेल, जो बँक कार्डच्या सवलतीनंतर 1 लाख 45 हजार 900 रूपयांना विकला जात आहे.
आयफोन १७ प्रो मॅक्सचे फिचर्स
या फोनमध्ये 120Hz रिफ्रेश रेट असलेला 6.9-इंचाचा OLED डिस्प्ले आहे आणि तो A19 प्रो बायोनिक प्रोसेसरवर चालतो. फोन थंड ठेवण्यासाठी आणि उष्णता बाहेर टाकण्यासाठी कंपनीने यात व्हेपर कूलिंग चेंबरचाही समावेश केला आहे. या फोनमध्ये मागील बाजूस तीन 48-मेगापिक्सलचे कॅमेरे आणि एक 18-मेगापिक्सलचा फ्रंट कॅमेरा आहे.
Leave a Reply