नथिंग कंपनीचा नवीन ‘बी’ सीरीजचा भाग असलेला Phone 4b स्मार्टफोन नुकताच लाँच झाला असून त्याची विक्री 14 जुलैपासून फ्लिपकार्टवर सुरू करण्यात आली आहे. या फोनचे खास वैशिष्ट्य म्हणजे त्याचा स्नॅपड्रॅगन प्रोसेसर आणि 45 मिनी-एलईडी असलेला ‘ग्लिफ बार’ आहे. अँड्रॉइड 16 वर चालणाऱ्या या हँडसेटला तीन वर्षांचे ओएस अपग्रेड आणि सहा वर्षांचे सुरक्षा अपडेट्स मिळतील. चला तर मग आजच्या लेखात तुम्ही या फोनवर 2 हजार 625 रूपयांच्या सवलतीचा लाभ कसा घेऊ शकता ते जाणून घेऊयात.
या डिव्हाइसच्या 8GB रॅम/128GB व्हेरिएंटची किंमत 34 हजा 999 रूपये आहे. तर 8GB रॅम/256GB व्हेरिएंटची किंमत 38 हजार 999 रूपये आहे. तुम्ही HDFC, ICICI, SBI किंवा Google Pay वापरून पेमेंट केल्यास तुम्हाला 2 हजार 625 रूपयांची सूट मिळेल. या किमतीच्या रेंजमध्ये हा फोन OPPO F33 Pro 5G, Motorola Edge 70 Fusion, Realme GT 7T आणि Vivo V50 5G सारख्या मॉडेल्सशी स्पर्धा करतो.
नथिंग फोन 4b स्पेसिफिकेशन्स
डिस्प्ले: या फोनमध्ये फुल एचडी+ रिझोल्यूशन आणि 1000Hz इन्स्टंट सॅम्पलिंग रेट असलेली 6.77-इंचाची सॅमसंग सुपर AMOLED स्क्रीन आहे. तसेच, यात 2000 nits पर्यंतची पीक ब्राइटनेस आणि 120Hz पर्यंतचा रिफ्रेश रेट आहे.
प्रोसेसर: या फोनमध्ये 4nm ऑक्टा-कोर स्नॅपड्रॅगन 6th जनरेशन 4 चिपसेट आणि ॲड्रेनो 810 GPU वापरण्यात आला आहे. या डिव्हाइसमध्ये क्वालकॉम स्पेक्ट्रा इमेज सिग्नल प्रोसेसर, क्वालकॉम हेक्सागॉन NPU आणि क्वालकॉम AI इंजिन यांचाही समावेश आहे. थर्मल मॅनेजमेंटसाठी या डिव्हाइसमध्ये व्हेपर चेंबर कूलिंग सिस्टीम देखील आहे.
कॅमेरा सेटअप: मागील बाजूस ड्युअल कॅमेरा सेटअप असून, त्यात इलेक्ट्रॉनिक इमेज स्टॅबिलायझेशन, ऑप्टिकल इमेज स्टॅबिलायझेशन आणि ऑटोफोकससह 50 मेगापिक्सेलचा प्रायमरी सेन्सर आणि 8 मेगापिक्सेलचा अल्ट्रा-वाइड-अँगल सेन्सर आहे. पुढील बाजूस 16 मेगापिक्सेलचा कॅमेरा सेन्सर आहे.
बॅटरी: 33W वायर्ड फास्ट चार्जिंग आणि 7.5W वायर्ड रिव्हर्स चार्जिंग सपोर्टसह 6000mAh क्षमतेची शक्तिशाली बॅटरी. कंपनीचा दावा आहे की, हा फोन 80 मिनिटांत 0 ते 100% चार्ज होऊ शकतो.
कनेक्टिव्हिटी: नथिंगच्या या नवीनतम फोनमध्ये वाय-फाय 6, 5G, ब्लूटूथ व्हर्जन 6, 4G LTE, ग्लोनास, यूएसबी टाइप सी पोर्ट आणि जीपीएस यांसारखी उत्तम वैशिष्ट्ये आहेत.
Leave a Reply