महागडे रिचार्ज प्लॅन्स मोबाईल यूजर्ससाठी मोठी समस्या बनले आहेत. बहुतांश युजर्स त्यांच्या फोनमध्ये दोन सिम कार्ड वापरतात आणि त्यामुळे दोन्ही नंबरसाठी रिचार्ज करणे महागडे ठरते.
मात्र आता सरकारी टेलिकॉम कंपनी BSNL ने आपल्या ग्राहकांना मोठा दिलासा दिला आहे. BSNL एक आकर्षक ऑफर घेऊन आली आहे, ज्यामुळे महागड्या रिचार्ज प्लॅन्सची चिंता कमी होऊ शकते.
BSNL पुन्हा एकदा आपला Freedom Plan घेऊन आली आहे. ग्राहकांच्या मागणीनुसार कंपनीने हा प्लॅन पुन्हा सुरू केला आहे. हा ऑफर मर्यादित कालावधीसाठी उपलब्ध असल्यामुळे याचा लाभ लवकर घ्यावा.
या फ्रीडम प्लॅनमध्ये कंपनी फक्त 1 रुपयात नवीन सिम कार्ड देत आहे. या ऑफरची खास गोष्ट म्हणजे 1 रुपयाच्या सिमसोबत कॉलिंग, डेटा आणि SMS असे फायदेही दिले जात आहेत. याला 30 दिवसांची वैधता मिळत आहे.
ही 30 दिवसांची वैधता सिम अॅक्टिव्हेशनपासून सुरू होईल. यासोबतच संपूर्ण कालावधीसाठी अनलिमिटेड कॉलिंगची सुविधा मिळते. तसेच दररोज 100 मोफत SMS देखील दिले जातात. यात एकूण 60GB डेटा मिळतो, म्हणजेच दररोज 2GB डेटा वापरता येतो. ही ऑफर 30 एप्रिलपर्यंत वैध असणार आहे.
Leave a Reply