पुण्यातील पिंपरी-चिंचवड शहरात सत्ताधारी भाजप आणि राष्ट्रवादी काँग्रेस पक्ष यांच्यातील राजकीय संघर्ष पुन्हा एकदा उफाळून आला आहे. राष्ट्रवादी काँग्रेसचे नगरसेवक संदीप वाघेरे यांनी शहरात लावलेले काही बॅनर सध्या स्थानिक राजकारणात चर्चेचा विषय बनले आहेत. या बॅनरवर “कराल काय नाद परत” असा मजकूर असून, त्याखाली “चार पूर्णांक शून्य” असा सूचक उल्लेख करण्यात आला आहे. हे बॅनर लावण्यामागे भाजपला डिवचण्याचा राष्ट्रवादीचा हेतू स्पष्ट दिसतो. विशेष म्हणजे, प्रभाग क्रमांक २१ मध्ये राष्ट्रवादी काँग्रेसचे चारही उमेदवार विजयी झाले होते.
या विजयाच्या पार्श्वभूमीवर, पराभूत झालेल्या भाजपच्या उमेदवाराच्या कार्यालयासमोर हे बॅनर लावण्यात आले आहेत. “चार शून्य” या मजकुराद्वारे राष्ट्रवादीने प्रभाग २१ मधील भाजपवर मिळवलेल्या ४-० अशा एकतर्फी विजयाची आठवण करून देत सूचक इशारा दिला आहे. या बॅनरमुळे पिंपरी-चिंचवडमधील राजकीय वातावरण चांगलेच तापले असून, दोन्ही पक्षांमधील आगामी काळात संघर्ष आणखी तीव्र होण्याची शक्यता आहे. या घटनेने स्थानिक राजकारणातील कटुता पुन्हा एकदा समोर आली आहे.
Leave a Reply