आजच्या डिजिटल युगात स्मार्टफोन हा आपल्या दैनंदिन जीवनाचा अविभाज्य भाग बनला आहे. कॉलिंग, बँकिंग, ऑनलाइन शॉपिंग, सोशल मीडिया आणि फोटोग्राफीपासून अनेक महत्त्वाची कामे स्मार्टफोनद्वारे केली जातात. मात्र, काही सेटिंग्ज कायम सुरू असल्यास आपल्या खासगी आयुष्याची माहिती इतर लोकांपर्यंत पोहोचण्याचा धोका वाढू शकतो.
त्यामुळे पार्टनरसोबत खासगी वेळ घालवत असताना फोनमधील काही सेटिंग्ज तपासून आवश्यक असल्यास बंद करणे गरजेचे आहे. सर्वप्रथम, अँड्रॉइडमधील Google Assistant आणि आयफोनमधील Siri यांसारखे व्हॉइस असिस्टंट “Hey Google” किंवा “Hey Siri” अशा कमांड ऐकण्यासाठी मायक्रोफोन सतत सक्रिय ठेवतात.
या सुविधेचा वापर होत नसेल तर ती बंद केल्यास गोपनीयता अधिक सुरक्षित राहते आणि बॅटरीचीही बचत होते. याशिवाय, अनेक अॅप्स इन्स्टॉल करताना कॅमेरा आणि मायक्रोफोनची परवानगी मागतात. मात्र, प्रत्येक अॅपला या परवानग्यांची गरज नसते. त्यामुळे फोनच्या Privacy किंवा Permission Manager मध्ये जाऊन अनावश्यक अॅप्सची कॅमेरा आणि मायक्रोफोन परवानगी काढून टाकावी.
लोकेशन ट्रॅकिंगकडेही विशेष लक्ष देणे आवश्यक आहे. अनेक अॅप्स सतत वापरकर्त्याचे लोकेशन ट्रॅक करत असतात. अशा वेळी लोकेशन परवानगी “While using the app” किंवा “Ask every time” या पर्यायावर सेट केल्यास अनावश्यक लोकेशन ट्रॅकिंग टाळता येते.
याशिवाय, हॉटेल किंवा सार्वजनिक ठिकाणचे मोफत Wi-Fi वापरताना विशेष सावधगिरी बाळगावी. अत्यावश्यक नसल्यास अशा नेटवर्कऐवजी स्वतःचा मोबाईल डेटा वापरणे अधिक सुरक्षित ठरते, कारण सार्वजनिक Wi-Fi वर सायबर हल्ल्यांचा धोका अधिक असू शकतो.
Leave a Reply