भारत आणि आयर्लंड यांच्यातील मालिकेतील दुसरा सामना आज रंगणार आहे. या मालिकेपूर्वीपासूनच एक चर्चा जोरदार सुरु होती आणि ती म्हणजे वैभव सूर्यवंशीचा डेब्यू. या मालिकेत वैभवला डेब्यू होणार असे सगळ्यांना वाटत होते पण तसे अजून तरी झालेले नाही. पहिल्याच सामन्यात वैभवला खेळायची संधी मिळेल असेही वाटत होते पण तसे काही झाले नाही. आता आद रंगणाऱ्या दुसऱ्या सामन्यात वैभव सूर्यवंशीला पदार्पण मिळते का या कडे सर्वांचे लक्ष असणार आहे. अनेकांनी वैभवला पहिल्या सामन्यात का खेळवले नाही असा प्रश्नही उपस्थित केले होते. पण सगळे वैभवला खेळवायला हवं अशी मागणी करत असताना मात्र मााजी खेळाडूंना एक भलतीच मागणी केली आहे.
माजी सलामीवीर आकाश चोप्रा यांनी म्हटले आहे की, “रविवार, 28 जून रोजी आयर्लंडविरुद्ध होणाऱ्या दुसऱ्या टी-20 आंतरराष्ट्रीय सामन्यासाठी ते वैभव सूर्यवंशीची भारतीय संघात निवड करणार नाहीत.” शुक्रवार, २६ जून रोजी बेलफास्ट येथे यजमान संघाकडून भारतीय संघाला झालेल्या धक्कादायक पराभवानंतर हे विधान आले आहे.
भारताची फलंदाजी निराशाजनक होती आणि संघ 148 धावांवर सर्वबाद झाला, लक्ष्यापासून 34 धावा दूर राहिला. संजू सॅमसन, ईशान किशन आणि कर्णधार श्रेयस अय्यर यांसारख्या खेळाडूंनी खराब कामगिरी केली, ज्यामुळे सूर्यवंशीला भारतासाठी बहुप्रतिक्षित पदार्पण करण्याची संधी मिळू शकली असती. मात्र, चोप्रा यांचे मत पूर्णपणे वेगळे आहे.
आकाश चोप्रा म्हणाले की,”पुढच्या सामन्यात वैभवला खेळवायचे की नाही, हा सर्वात मोठा प्रश्न असेल. हा एक अवघड निर्णय आहे. ईशान किशन आणि संजू सॅमसन यांनी धावा केल्या नाहीत. अभिषेक शर्मा वगळता कोणीही धावा केल्या नाहीत. यावर बरीच चर्चा सुरू आहे. जरी हे राजकीयदृष्ट्या योग्य वाटत नसले तरी मी वैभवला खेळवणार नाही. मी संजू सॅमसन किंवा ईशान किशनला संघातून वगळणार नाही. मी त्याच तीन फलंदाजांना खेळवीन आणि वेगळ्या निकालाची अपेक्षा करीन, आणि हे सामान्य आहे. पुढच्या वेळी, जर आम्हाला प्रथम फलंदाजी करण्याची संधी मिळाली, तर आम्ही 250 धावा करू शकतो. आम्ही त्याच पद्धतीने फलंदाजी करू कारण आमच्यात तसे करण्याची क्षमता आहे,” असे आकाश चोप्रा यांनी त्यांच्या यूट्यूब चॅनलवर सांगितले.”
Leave a Reply