एकेकाळी 'लव्ह स्टोरी' या चित्रपटातून रातोरात स्टार बनलेले अभिनेते कुमार गौरव यांचे करिअर नंतर मात्र अपेक्षित उंची गाठू शकले नाही. 'लव्ह स्टोरी'च्या प्रचंड यशानंतर त्यांनी अनेक चित्रपटांमध्ये काम केले. काही चित्रपटांना प्रेक्षकांची आणि समीक्षकांची पसंती मिळाली, मात्र पहिल्या चित्रपटामुळे मिळालेली लोकप्रियता त्यांना पुन्हा मिळवता आली नाही.
कुमार गौरव यांच्या करिअरबाबत एक किस्सा आजही चर्चेत आहे. 'लव्ह स्टोरी'च्या यशानंतर त्यांनी नवीन अभिनेत्रींसोबत काम करण्यास नकार दिल्याचे सांगितले जाते. याच कारणामुळे त्यांनी अभिनेत्री मंदाकिनीसोबत चित्रपट करण्याची संधीही नाकारल्याची चर्चा आहे. पुढे मंदाकिनीने 'राम तेरी गंगा मैली'मधून मोठे यश मिळवत स्टारडम मिळवले तर कुमार गौरव यांच्या कारकिर्दीला उतरती कळा लागली.
काळानुसार प्रेक्षकांची आवड बदलत गेली आणि त्यांच्या अनेक चित्रपटांना बॉक्स ऑफिसवर अपयशाचा सामना करावा लागला. परिणामी त्यांना सहाय्यक भूमिका स्वीकाराव्या लागल्या.
2002 मध्ये प्रदर्शित झालेल्या 'कांटे' या चित्रपटानंतर त्यांनी चित्रपटसृष्टीपासून जवळपास पूर्णपणे दूर जाण्याचा निर्णय घेतला. 2009 मध्ये 'माय डॅडी स्ट्राँगेस्ट' या छोट्या प्रकल्पात ते दिसले, मात्र त्यानंतर मोठ्या पडद्यावर त्यांची पुनरागमन होऊ शकले नाही.
चित्रपटसृष्टीपासून दूर झाल्यानंतर कुमार गौरव यांनी व्यवसाय क्षेत्रात प्रवेश केला. सध्या ते आपल्या व्यवसायात व्यस्त असून त्यांनी चित्रपट आणि प्रसिद्धीच्या झोतातूनही पूर्णपणे दूर राहणे पसंत केले आहे.
Leave a Reply