दिग्दर्शक आदित्य धर यांच्या दिग्दर्शनाखाली तयार झालेल्या आणि अभिनेता रणवीर सिंहच्या प्रमुख भूमिकेतील ‘Dhurandhar’ या चित्रपटाशी संबंधित एक धक्कादायक प्रकरण समोर आले आहे. चित्रपटाचे प्रॉडक्शन डिझायनर 'जॉन जोसेफ' उर्फ जोएल याच्याविरोधात एका तरुणीने बलात्कार आणि मारहाणीचे गंभीर आरोप केले आहेत. या प्रकरणामुळे मनोरंजन विश्वात मोठी खळबळ उडाली आहे.
मिळालेल्या माहितीनुसार, चंदीगडमधील खुड्डा लाहोरा परिसरात राहणाऱ्या एका तरुणीने पोलिसांत तक्रार दाखल केली आहे. तक्रारीत तिने म्हटले आहे की, 2025 मध्ये चंदीगडच्या सेक्टर-18 येथील टागोर थिएटरमध्ये ‘धुरंधर’ चित्रपटाचे शूटिंग सुरू होते. त्याचवेळी तिची ओळख चित्रपटाच्या प्रॉडक्शन टीमशी संबंधित सैनी एस. जोहरे याच्याशी झाली.
ओळख वाढल्यानंतर आरोपीने तिला चित्रपटात भूमिका देण्याचे आमिष दाखवले. तक्रारीनुसार, सप्टेंबर 2025 मध्ये आरोपीने तरुणीला चंदीगड सेक्टर-17 येथील एका हॉटेलमध्ये बोलावले. तेथे तिला जबरदस्तीने मद्यपान करायला लावण्यात आले. त्यानंतर तिच्यावर अत्याचार करण्यात आला तसेच मारहाणही करण्यात आली, असा आरोप पीडितेने केला आहे.
पीडित तरुणीने आपल्या तक्रारीत असेही म्हटले आहे की, आरोपीने या घटनेबाबत कुणालाही माहिती दिल्यास गंभीर परिणाम भोगावे लागतील अशी धमकी दिली होती. या घटनेनंतर तरुणीने 20 एप्रिल 2026 रोजी चंदीगडच्या सेक्टर-17 पोलिस ठाण्यात तक्रार दाखल केली.
पोलिसांनी तक्रारीची दखल घेत 21 एप्रिल 2026 रोजी भारतीय न्याय संहितेच्या कलम 74, 79, 123 आणि 126 (2) अंतर्गत गुन्हा दाखल केला. त्यानंतर आरोपीला अटक करण्यात आली होती. मात्र, पुढे जिल्हा न्यायालयातून त्याला जामीन मंजूर झाला. सध्या पोलिस या प्रकरणाचा अधिक तपास करत आहेत.
Leave a Reply