Indian Railways New Ticket System IRCTC: भारतीय रेल्वेने तिकीट बुकिंग सिस्टिममध्ये अनेक बदल केले आहेत. आता नवीन बदल हा कन्फर्म तिकीटाविषयी असेल. रेल्वेच्या या मोठ्या निर्णयामुळे धावत्या ट्रेनमध्ये तुम्हाला तिकीट मिळेल. वेटिंग तिकिटावर प्रवास करणार्यांना मोठा फायदा होईल. धावत्या ट्रेनमध्ये कन्फर्म तिकीट मिळण्याचा मार्ग मोकळा झाला आहे. रेल्वेच्या नवीन प्रणालीमुळे तुम्हाला धावत्या ट्रेनमध्ये कन्फर्म बर्थ बुक करता येईल. त्यामुळे स्टेशनवरून रेल्वे सुटताना त्यात तुम्ही त्यात चढलात आणि धावत्या रेल्वेत तुम्हाला कन्फर्म तिकीट मिळू शकते.
वेटिंग तिकीट, प्रवास दरम्यान कन्फर्म
सध्याच्या व्यवस्थेत ट्रेनमध्ये जर एखादा प्रवासी आला नाही तर त्याची रिकामी सीट RAC तिकीट असणाऱ्या प्रवाशाला मिळते. रेल्वेने आता तयारी सुरु केली आहे की, येत्या काही दिवसात ही रिकामी सीट कोणीही बुक करू शकतो. या रिकाम्या सीटची माहिती रेल्वेची साईट आणि IRCTC वर दिसेल. हे तिकीट प्रवासी ऑनलाईन बुक करू शकतील. त्यांना साईटवर ही माहिती मिळेल आणि प्रवासी धावत्या रेल्वेत तिकीट कन्फर्म होईल.
कशी काम करते ही प्रणाली?
रेल्वेची टेक्निकल विंग यावर काम करत आहे. रेल्वे माहिती प्रणाली केंद्र(क्रिस) टीटीईला देण्यात येणाऱे हँड हेल्ड टर्मनिल(HHT) अपग्रेड करत आहे. यामध्ये कन्फर्म बर्थ बुकिंगचा पर्याय जोडण्यात येणार आहे. याशिवाय रेल्वेचा वाणिज्य विभागाचे अधिकारी आणि टीटीई यांचे प्रशिक्षण सुरू आहे. नवीन प्रणालीत रिकामी सीटविषयीची माहिती टीटीई एचएचटीवर अपडेट करेल. त्यानंतर या रिकाम्या सीटची माहिती रेल्वे बुकिंग पोर्टल आणि IRCTC च्या साईटवर दिसेल.
साईटवर ही माहिती अपडेट झाल्यावर वेटिंग तिकिटावर प्रवास करणारा प्रवासी ती ऑनलाईन बुकिंग करू शकतो. सध्याच्या व्यवस्थेत, प्रणालीत ट्रेनमधील रिकाम्या सीटचे बुकिंग टीटीई करतो. HHT Device च्या मदतीने तो आता रिकाम्या आसनाची, सीटची माहिती साईटवर अपडेट करेल. रेल्वेच्या सध्याच्या नियमानुसार, जर एखादा प्रवासी अनुपस्थित असेल तर तर त्याची रिकामी सीट टीटीई पुढील दोन स्टेशननंतर वेटिंग तिकिटावर प्रवास करणाऱ्या प्रवाशाला देतो. नवीन प्रणालीत आता प्रवाशाला ऑनलाईन बुकिंग करता येणार आहे.
Leave a Reply