अभिनेत्री, मॉडेल आणि टीव्ही प्रेझेंटर कुब्रा सैत आज तिचा वाढदिवस साजरा करत आहे. आपल्या दमदार अभिनयामुळे आणि वेगळ्या भूमिकांमुळे ओळख निर्माण करणाऱ्या कुब्राचा मनोरंजन क्षेत्रातील प्रवास खडतर संघर्षातून घडला आहे. आज बॉलिवूड आणि ओटीटीवर स्वतःची वेगळी छाप पाडणाऱ्या कुब्राने सुरुवातीला कॉर्पोरेट क्षेत्रात नोकरी केली होती.
कुब्रा सैतने अवघ्या 13 व्या वर्षी शो होस्टिंग करण्यास सुरुवात केली. त्यानंतर 2005 मध्ये नॅशनल इन्स्टिट्यूट ऑफ इन्फॉर्मेशन अँड मॅनेजमेंट सायन्सेसमधून फायनान्स आणि मार्केटिंगची पदवी घेतली. शिक्षण पूर्ण झाल्यानंतर तिने दुबईमध्ये अकाउंट मॅनेजर म्हणून करिअरची सुरुवात केली. जवळपास तीन वर्षे ही नोकरी केल्यानंतर अभिनय आणि मनोरंजन क्षेत्रात करिअर करण्याचा निर्णय तिने घेतला.
कुब्राला पहिली संधी ‘City of Life’मधून मिळाली. या चित्रपटात तिची छोटी भूमिका होती. त्यानंतर 2009 मध्ये अनीस बज्मी दिग्दर्शित ‘रेडी’ या हिंदी चित्रपटातून तिने बॉलिवूडमध्ये पदार्पण केले. या चित्रपटात तिने घरकाम करणाऱ्या महिलेची छोटी भूमिका साकारली होती.
‘रेडी’नंतर कुब्रा सैतने अनेक चित्रपटांमध्ये विविध भूमिका साकारल्या. याशिवाय ओटीटी प्लॅटफॉर्मवर ‘Going Viral Pvt. Ltd.’ आणि ‘Foreplay’ या मालिकांमध्येही ती झळकली.
मात्र कुब्राच्या कारकिर्दीला खऱ्या अर्थाने कलाटणी मिळाली ती नेटफ्लिक्सवरील लोकप्रिय वेब सीरिज ‘सेक्रेड गेम्स’मुळे. या मालिकेत तिने साकारलेले ‘कुकू’ ही ट्रान्सजेंडर पात्र प्रेक्षकांच्या विशेष पसंतीस उतरले. यामुळे तिला देशभरात मोठी ओळख मिळाली. आजही कुब्रा सैतचे नाव घेतले की ‘कुकू’ हे पात्र सर्वप्रथम आठवते.
Leave a Reply