दिल्लीतील सत्यनिकेतन परिसरात एक पाच मजली इमारत कोसळल्याची धक्कादायक घटना घडली आहे. दुपारी दीडच्या सुमारास ही इमारत अचानक कोसळली. या घटनेनंतर परिसरात एकच गोंधळ उडाला असून, इमारतीच्या ढिगाऱ्याखाली अनेक लोक अडकल्याची भीती व्यक्त होत आहे. स्थानिक नागरिक तातडीने मदतीसाठी धावले. त्यांनी ढिगारा हटवण्यास सुरुवात केली. त्यानंतर, अग्निशमन दलाच्या पाच गाड्या घटनास्थळी दाखल झाल्या असून, युद्धपातळीवर बचावकार्य सुरू आहे.
ही इमारत धोकादायक होती आणि त्यात हॉस्टेल असल्याचा अंदाज वर्तवण्यात येत आहे. नेमके किती लोक अडकले आहेत, किती जखमी आहेत, याची माहिती अद्याप अस्पष्ट आहे. मात्र, ढिगारा हटवण्याचे काम वेगाने सुरू आहे. या दुर्घटनेमुळे नागरिकांमध्ये भीतीचे वातावरण निर्माण झाले आहे.
Leave a Reply